قالتاسىنا 260 ميلليون تەڭگەنى باسىپ، ون جىلدان بەرى قاشىپ جۇرگەن كۇدىكتى دۋبايدا ۇستالدى

استانا. KAZINFORM - اسا ءىرى الاياقتىق جاسادى دەگەن كۇدىكتى بىرىككەن اراب امىرلىكتەرىنەن ەكستراديتسيالاندى.

بۇگىن باس پروكۋراتۋرا مەن ءى ءى م قىزمەتكەرلەرى سىرتقى ىستەر مينيسترلىگىنىڭ كومەگىمەن كۇدىكتى ش-ى اسا ءىرى كولەمدە الاياقتىق جاساعانى ءۇشىن قىلمىستىق جاۋاپكەرشىلىككە تارتۋ ماقساتىندا بىرىككەن اراب امىرلىكتەرىنەن ەكستراديتسيالادى.

ول 2010 -جىلى تانىسىن الداۋ ارقىلى بانكتەن نەسيە الۋ ءۇشىن كەپىلدىك بەرۋشى رەتىندە ارەكەت ەتۋگە كوندىرگەن جانە اقشانى العاننان كەيىن جاسىرىنىپ، جابىرلەنۋشىگە 260 ميلليون تەڭگەدەن استام شىعىن كەلتىردى دەگەن كۇدىككە ىلىنگەن.

قىلمىس جاساعاننان كەيىن كۇدىكتى جاسىرىنىپ، 10 جىلداي حالىقارالىق ىزدەۋدە بولعان.

وتكەن جىلدىڭ سوڭىندا ول بىرىككەن اراب امىرلىكتەرىندە ۇستالدى.

قازىرگى ۋاقىتتا كۇدىكتى استانا قالاسىنىڭ ۋاقىتشا ۇستاۋ يزولياتورىنا قامالدى.

اتالعان قىلمىستى جاساعانى ءۇشىن مۇلكى تاركىلەنىپ، 5 جىلدان 10 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.