قالادان شىقپاڭىزدار: وسكەمەندە بورانعا بايلانىستى ەسكەرتۋ جاسالدى

وسكەمەن قالاسىندا پوليتسەيلەر حالىققا ەسكەرتۋ جاسادى، دەپ حابارلايدى Kazinform.

قازىر وسكەمەندە قالىڭ قار جاۋىپ تۇر. جولداردى قار باسىپ، كولىك جۇرگىزۋشىلەرىنە قولايسىزدىق تۋىنداۋدا.

قالا كوشەلەرى تازالانىپ جاتسا، ىرگەدەگى ۋچاسكەلەردە ءالى دە قار كوپ.

قاتتى بوران دا سوعىپ، جاعدايدى قيىنداتتى.

سوعان وراي پوليتسيا قىزمەتكەرلەرى تۇرعىندارعا ەسكەرتۋ جاسادى.

«5- جەلتوقساندا «وسكەمەن-تارعىن-سامار» تاسجولىنىڭ 55-75 شاقىرىمى ارالىعىندا قاتتى جەل تۇرىپ، قارلى بوران سوقتى. كوكتايعاق تا قالىپتاسقان. سوعان وراي ازاماتتارعا قالادان شىقپاۋعا كەڭەس بەرەمىز»، - دەپ حابارلادى ش ق و پوليتسيا دەپارتامەنتىنىڭ باسپا ءسوز قىزمەتىنەن.