ق ر پرەزيدەنتى ت ر ك جانە «حالىق گازەتى» اقپاراتتىق سالاداعى ىنتىماقتاستىقتى نىعايتا ءتۇستى

TV and Radio Complex and People's Daily
كوللاج: Kazinform

استانا. KAZINFORM - استانادا قىتاي حالىق رەسپۋبليكاسىنىڭ ءتوراعاسى شي جينپيڭنىڭ قازاقستان رەسپۋبليكاسىنا مەملەكەتتىك ساپارى اياسىندا ق ر پرەزيدەنتىنىڭ تەلەراديوكەشەنى جانە قىتايدىڭ جەتەكشى باسىلىمى «حالىق گازەتى» ىنتىماقتاستىق جانە ءوزارا تۇسىنىستىك تۋرالى مەموراندۋمعا قول قويدى.

قۇجاتتى قازاقستان مەن قىتايداعى ەكى ءىرى مەديا ۇيىمنىڭ باسشىلارى سيۋي ليجين بەكىتتى.

تاراپتار ەل مەن ايماقتاعى ماڭىزدى وقيعالاردى جاريالاۋ جانە ىلگەرىلەتۋ، اقپاراتتىق كونتەنتتى بىرلەسىپ ءوندىرۋ، جۋرناليستەرگە قولداۋ كورسەتۋ جانە تاجىريبە الماسۋ ماسەلەلەرى بويىنشا تىعىز ىنتىماقتاستىق تۋرالى كەلىستى.

«قازاقستان مەن قىتاي بۇقارالىق اقپارات قۇرالدارى اراسىنداعى كاسىبي بايلانىستى دامىتۋ ءوزارا قۇرمەت، كومەك جانە دوستىق قاعيداتتارىنا نەگىزدەلگەن، بۇل ەلدەرىمىز اراسىنداعى ستراتەگيالىق ىنتىماقتاستىقتىڭ جوعارى دەڭگەيىن راستايدى»، - دەپ اتاپ ءوتتى ق ر پرەزيدەنتى تەلەراديوكەشەنىنىڭ ديرەكتورى ر. قاجىبايەۆا.

الداعى ۋاقىتتا تاراپتار مادەني-گۋمانيتارلىق جانە ەكونوميكالىق سالانى دامىتۋعا باعىتتالعان ءبىرقاتار بىرلەسكەن مەديا جوبانى جۇزەگە اسىرۋدى جوسپارلاپ وتىر.

ق ر پرەزيدەنتىنىڭ تەلەراديوكەشەنى - تولىق سيكلدى قازاقستاندىق مەديا- كومپانيا، قۇرامىنا: Jibek Joly رەسپۋبليكالىق تەلەارناسى، Silk Way جانە Silk Way Cinema حالىقارالىق تەلەارنالارى، Kazinform ح ا ا جانە دەرەكتى فيلمدەر ورتالىعى كىرەدى.

«جەنمين جيباو» - 13 تىلدە جاريالاناتىن قىتايلىق كۇندەلىكتى گازەت. باسىلىم شتاتىندا مىڭنان استام جۋرناليست جۇمىس ىستەيدى، تىلشىلىك پۋنكتەرى الەمنىڭ 70 ەلىندە ورنالاسقان. 1948 -جىلدىڭ 15-ماۋسىمىنان باستاپ شىعادى.

اۆتور

گۇلنۇر عازيز قىزى

سوڭعى جاڭالىقتار