21:56, 04 - ماۋسىم 2024 | GMT +5
ق ر پرەزيدەنتى قاتار امىرىمەن تەلەفون ارقىلى سويلەستى
استانا. KAZINFORM - پرەزيدەنت قاسىم-جومارت توقايەۆ قاتار ءامىرى شەيح ءتاميم بەن حاماد ءال تانيمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.

اڭگىمەلەسۋ بارىسىندا ساۋدا-ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى ەكىجاقتى ىنتىماقتاستىقتىڭ جاي- كۇيى مەن دامۋ پەرسپەكتيۆالارى تالقىلاندى.
سونداي- اق قازاقستان پرەزيدەنتىنىڭ بيىل اقپان ايىندا قاتارعا جاساعان مەملەكەتتىك ساپارى كەزىندە قول جەتكىزىلگەن ۋاعدالاستىقتاردى ءتيىمدى جۇزەگە اسىرۋعا ەرەكشە نازار اۋدارىلدى.
قاسىم-جومارت توقايەۆ قاتار ءامىرى ءتاميم بەن حاماد ءال تانيمەن ش ى ۇ-نىڭ استانادا وتەتىن الداعى ءسامميتى بارىسىندا كەزدەسۋگە نيەتتى ەكەنىن اتاپ ءوتتى.