ق ح ا تاسقىن اۋماقتارىنا 600 توننا گۋمانيتارلىق كومەك جونەلتكەن
استانا. KAZINFORM - ««اسسامبلەيا جاستارى» رەسپۋبليكالىق قوعامدىق بىرلەستىگىنىڭ ءتوراعاسى تيمۋر جۇمىربايەۆ قازاقستان حالقى اسسامبلەياسىنىڭ تاسقىنمەن كۇرەسكە قالاي اتسالىسىپ جاتقانىن ءمالىم ەتتى.
«بۇگىن ەلورداداعى دوستىق ۇيىندە «جۇرەكتەن جۇرەككە» اكتسياسى ءوتىپ جاتىر. سونىڭ اياسىندا بۇگىن سولتۇستىك قازاقستان وبلىسىنا گۋمانيتارلىق كومەك تيەگەن 7 كولىك شىعادى»، - دەدى ول ورتالىق كوممۋنيكاتسيالار قىزمەتى وتكىزگەن ونلاين بريفينگىدە.
اسسامبلەيا وكىلى ەتنومادەني بىرلەستىكتەردىڭ جۇمىسىنا مەتسەناتتار دا قولداۋ كورسەتىپ جاتقانىن اتاپ ءوتتى.
«قازاقستان بويىنشا اسسامبلەيانىڭ اتىنان 11 مىڭ ەرىكتى تاسقىنمەن كۇرەسكە اتسالىسىپ جاتىر. قازاقستان حالقى اسسامبلەياسى تاسقىن باستالعاننان بەرى 600 توننا گۋمانيتارلىق كومەك جيناپ، جونەلتتى. وسى ىسكە اتسالىسىپ جاتقان مەتسەناتتاردىڭ ۇلەسىن ەسكەرسەك، جينالعان كومەكتىڭ اقشاعا شاققانداعى كولەمى 430 ميلليون تەڭگەگە جەتتى. مەتسەناتتار تاسقىنمەن كۇرەسكە 35 تەحنيكا ءبولدى»، - دەدى تيمۋر جۇمىربايەۆ.
