رەۆاكسيناتسيادا «Pfizer» ۆاكسيناسىنىڭ ءبىر عانا كومپونەنتى سالىنادى
«وزگە ۆاكسينالار اقىلى رەجيمدە پايدا بولعاننان كەيىن مۇنداي مۇمكىندىك بولادى. ازاماتتاردىڭ وزدەرى قابىلداعان شەشىمى نەگىزىندە ءبىر نەمەسە ەكى ۆاكسينا الۋعا مۇمكىندىك جاسايمىز. دەگەنمەن، رەۆاكسيناتسيا كەزىندە ءبىر دوزا، ياعني ءۇشىنشى كومپونەنت الۋعا كەڭەس بەرىلەدى»، - دەدى الەكسەي سوي ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.
سونىمەن قاتار ول اتا-انالاردىڭ كەلىسىمى بولعان كەزدە 12 جاسقا دەيىنگى بالالاردىڭ ۆاكسينا الۋ مۇمكىندىگىنە قاتىستى پىكىر ءبىلدىردى.
«قازىرگى ۋاقىتتا قازاقستاندا وعان تىيىم سالىنعان. سەبەبى، وندىرۋشىلەردەن ناقتى ۇسىنىس قولىمىزدا جوق. قازىرگى ۋاقىتتا ءوندىرۋشىنىڭ نۇسقاۋلىعىنا سايكەس 12 جاستان باستاپ ۆاكسينا سالدىرۋعا كەڭەس بەرىلەدى»، - دەدى دەنساۋلىق ساقتاۋ مينيسترلىگى.
بۇگىنگى تاڭدا م س ا ك- تا Pfizer ەكپەسىن اقىلى الۋعا نيەت بىلدىرۋشىلەردىڭ جازباسى جۇرگىزىلۋدە. باعاسى ءالى بەلگىسىز.
ايتا كەتەيىك، ەلىمىزدە Pfizer ۆاكسيناسىنىڭ ءبىرىنشى كومپونەنتىمەن 188906 ادام ۆاكسينا الدى. ونىڭ ىشىندە 150669 جاس ءوسپىرىم مەن 38237 جۇكتى جانە بالا ەمىزەتىن ايەل بار. ەكىنشى كومپونەنتپەن 19386 ادام ۆاكسينالاندى.
