نيۋ-يوركتەگى اسكەري اكادەميانىڭ ءبىتىرۋ كەشىندە قازاقشا سويلەگەن قىز كوپشىلىكتى ءتانتى ەتتى
استانا. قازاقپارات- ا ق ش-تاعى اسكەري اكادەميانىڭ ءبىتىرۋ كەشىندە قازاقشا سويلەگەن قىز كوپشىلىكتى ءتانتى ەتتى، - دەپ حابارلايدى Massaget.kz ءتىلشىسى.
ۆيدەونى نيۋ- يوركتە جۇرگەن قازاقستاندىق فوتوگراف اركەن اۆان Instagram-داعى پاراقشاسىندا ءبولىستى.
ول بۇل شاراعا تاپسىرىس بويىنشا باسقا بالانى تۇسىرۋگە بارعانىن، قازاق قىزىن كەزدەيسوق كەزدەستىرگەنىن ايتقان.
"ۆيدەو اۆتورى قازاق قىزىن ورتاعا ەڭ ۇزدىك وقۋشى" دەپ، ءسوز سويلەۋگە شاقىرعانىن ايتتى.
ماليكا ەسىمدى قازاق قىزى ءبىتىرۋ كەشىندەگى ءسوزىن اعىلشىن تىلىندە باستاپ، قازاقشا جالعاستىرىپ، كەيىن نەمىسشە دە سويلەيدى.
"ءاردايىم ماعان جاقسىلىق تىلەپ، ەركەلىگىمدى كوتەرىپ، الىستان ۋايىمداپ، مەنى ساعىنىپ جۇرەتىندەرىڭىز ءۇشىن كوپ راقمەت! اۋىرماڭىز، جاسىڭىز ۇزاق بولسىن!"، - دەدى ول اتا-اناسىنا ارناپ ايتقان سوزىندە.
قازاقستاندىق فوتوگراف ماليكادان العان شاعىن سۇحباتىن دا جاريالادى.
جەلى قولدانۋشىلارى بۇل ۆيدەولارعا "اتا- اناسىنا وسىنداي العىر، باتىر قىز تاربيەلەگەن مىڭ العىس"، "نە دەگەن كەرەمەت، وقىعان، كوزى اشىق، ءبىزدىڭ كوپ جاستار ۇلگى الاتىن قىز ەكەن"، "مىنەكي، قازاقتىڭ جاستارى امەريكانى باعىندىرىپ جاتىر. ءبىزدىڭ قازاقتىڭ جاستارى ساۋاتتى. وسىلار ەلدى باسقارۋ كەرەك، جارقىن بولاشاق وسىلاردىڭ قولىندا. اينالايىن اتا-اناننىڭ ماقتانىشىسىن، ەلدىڭ ماقتانىشىسىن. امان بول قايدا جۇرسەڭ دە"، "وزگە ءتىلدىڭ ءبارىڭ ءبىل، ءوز ءتىلىڭدى قۇرمەتتە! جارايسىڭ ماليكا. ساتتىلىك ا ق ش-تا قازاق ەكەنىڭدى كورسەتىپ، قازاقشا سويلەپ. اق جول!".
