نيۋ-يوركتە سالقىنداتاتىن ورىندار اشىلدى
نيۋ- يوركتە كۇن جانىپ تۇر. بيلىك اپتاپتان قورعانۋ ءۇشىن ءار اۋداندا كىتاپحانا ىشىنەن ارنايى ورتالىقتار اشتى. وندا سالقىنداتقىش تاۋلىك بويى قوسىلىپ تۇرادى، كەلۋشىلەرگە مۇزداتىلعان سالقىن سۋ تاراتىلادى.
كەي جەرلەرگە ءۇي جانۋارلارىمەن كىرۋگە رۇقسات ەتىلگەن. سونداي- اق بيلىك اشىق اسپان استىندا جۇمىس ىستەيتىندەر ءۇشىن ىستىققا قارسى جيىنتىقتار تاراتىپ جاتىر. مەتەرەولوگتار الداعى كۇندەرى اۋا تەمپەراتۋراسى 40 گرادۋسقا دەيىن جەتۋى مۇمكىن دەيدى. سول سەبەپتى تۇرعىندارعا دالاعا شىققاندا اسا ساق بولۋعا كەڭەس بەردى.
ەريك ادامس، نيۋ- يورك قالاسىنىڭ مەرى:
- ءبىز اپتاپقا قارسى ساقاداي ساي وتىرمىز. سالقىنداتۋ شارالارىن كۇشەيتتىك. ارنايى ورتالىق سانىن ارتتىرىپ جاتىرمىز. جاعاجايلار مەن سۋ ايدىندارى تاڭنان باستاپ جۇمىس ىستەۋگە كوشتى. اۋا ساپاسى قاتاڭ قاداعالانۋدا. سوندىقتان تۇرعىندار ءۇشىن الاڭداۋعا نەگىز جوق.
