نيۋ-يورك كىتاپحاناسىنا قازاقتىڭ تانىمال تۇلعالارىنىڭ كىتاپتارى قويىلدى
نيۋ-يورك. KAZINFORM - نيۋ-يورك كىتاپحاناسىندا (The New YorkPublic Library) بەلگىلى قازاق اقىندارى مەن كومپوزيتورلارىنىڭ تۋىندىلارى جاريالانعان كىتاپتار مەن ماتەريالداردى تاپسىرۋ ءراسىمى ءوتتى.
كىتاپتار مەن پارتيتۋرالاردى نيۋ-يورك كىتاپحاناسىنا بەرۋ قازاقستان مەن ا ق ش اراسىنداعى مادەني جانە ءبىلىم سالالارى بويىنشا بايلانىستاردى ودان ءارى نىعايتۋداعى ماڭىزدى قادام بولىپ تابىلادى.
ءىس-شاراعا كىتاپحانانىڭ كوللەكسيا جانە زەرتتەۋلەر جونىندەگى ديرەكتورى دەنيز حيبەي، كوللەكتسيا مەن جاھاندىق زەرتتەۋلەردى دامىتۋ جونىندەگى ديرەكتورى دجەيسون باۋمانن، «Global MusicPartnership» كومپانياسىنىڭ نەگىزىن قالاۋشى ۆلاديمير ديە مەن ا ق ش-تاعى قازاق دياسپوراسىنىڭ وكىلدەرى قاتىستى.
قازاقستاننىڭ نيۋ-يورك قالاسىنداعى باس كونسۋلى ر. تلەۋلين ايگىلى قازاق اۆتورلارىنىڭ ەڭبەكتەرىن ۇسىندى. ولاردىڭ اراسىندا اباي قۇنانبايەۆتىڭ، جابايحان مەن راۋشان ابدىلديندەردىڭ «Abai. Philosopher. Reformer. Humanist» اتتى زەرتتەۋ جۇمىسى، نيك فيلدينگتىڭ اۆتورلىعىمەن شوقان ءۋاليحانوۆتىڭ تاڭدامالى ەڭبەكتەرى، سونىمەن قاتار قازاق پروزاسى مەن پوەزياسىنىڭ جيناقتارى بار.
- تاريح، مادەنيەت پەن ادەبيەتتىڭ ءتۇرلى اسپەكتىلەرىن قامتيتىن اتالعان شىعارمالار امەريكالىقتار ءۇشىن قازاقستاننىڭ باي مادەني مۇراسىمەن تانىسۋدىڭ تاماشا مۇمكىندىگى، - دەپ اتاپ ءوتتى دەنيز حيبەي.
اسىرەسە باستى نازار اباي قۇنانبايەۆ پەن شوقان ءۋاليحانوۆ سياقتى ويشىلداردىڭ ەڭبەكتەرىنە اۋدارىلدى. تانىمال اقىن، فيلوسوف گۋمانيست بولا تۇرا اباي قازاق مادەنيەتى مەن ادەبيەتىنىڭ دامۋىنا ولشەۋسىز ۇلەس قوستى.
ونىڭ شىعارمالارى گارۆارد، وكسفورد سياقتى الەمدەگى جەتەكشى ۋنيۆەرسيتەتتەردە زەردەلەنىپ كەلەدى. 1995 -جىلى يۋنەسكو ونىڭ ەڭبەكتەرىن ماتەريالدىق ەمەس مادەني مۇرالار تىزىمىنە ەنگىزە وتىرىپ، ۇلى ويشىلدىڭ الەمدىك مادەنيەتكە قوسقان ۇلەسىن مويىندادى.
عالىم، جازۋشى شوقان ءۋاليحانوۆ تا ەلدىڭ ۇلتتىق ەرەكشەلىگى مەن ينتەللەكتۋالدىق دامۋىنا ايتارلىقتاي ۇلەس قوستى.
ونىڭ ەڭبەكتەرى قازاقستاندىق ويشىلدار مەن جازۋشىلاردى ءالى دە شابىتتاندىرادى.
«Global Music Partnership» كومپانياسىنىڭ نەگىزىن قالاۋشى ۆلاديمير دё ايگىلى قازاقستاندىق كومپوزيتور قۋات شىلدەبايەۆتىڭ سكريپكا پەن ىشەكتى اسپاپتارعا ارنالعان «قاراكەمەر» كۇيى نوتالارىنىڭ پارتيتۋراسىن تانىستىردى.
ۆلاديمير ديە ا ق ش-تا العاش رەت شىعارىلعان پارتيتۋرانىڭ باتىس ورىنداۋشىلارىنا رەپەرتۋارلارىن مۋزىكانىڭ ەپيكالىق ورىنداۋعا نەگىزدەلىپ، شىعارماشىلىق ىنتىماقتاستىققا جەتەلەيتىن تەڭدەسسىز قازاق فولكلورىمەن تولىقتىرۋعا مۇمكىندىك جاساپ وتىرعانىن اتاپ ءوتتى.
1895 -جىلى نەگىزى قالانعان نيۋ-يورك بۇقارالىق كىتاپحاناسى قالا بويىنشا 90 نان استام فيليالى بار الەمدەگى ءىرى كىتاپحانا ينستيتۋتى سانالادى.
كىتاپحانا قازاقستاننىڭ ءبىلىمى مەن مادەنيەت مۇراسىنا قول جەتكىزۋگە مۇمكىندىك بەرەتىن ميلليونداعان كىتاپتار، قولجازبالار مەن وزگە دە ماتەريالداردى جيناقتاپ وتىر.
جىلىنا بۇكىل الەم بويىنشا ميلليونداعان زەرتتەۋشىلەر مەن ستۋدەنتتەردى قابىلدايتىن كىتاپحانا ءوزىنىڭ باي كوللەكتسياسىمەن تانىمال جانە امەريكانىڭ جەتەكشى مادەنيەت ينستيتۋتتارىنىڭ ءبىرى سانالادى.
وسىعان دەيىن ا ق ش كىتاپحاناسىنا 99 جىل بۇرىن الىنعان كىتاپ قايتارىلعانى تۋرالى جازدىق.
