ەرلان قوشانوۆ ماجىلىستەگى Nur Otan فراكسياسىنىڭ جەتەكشىسى بولىپ سايلاندى
ءماجىلىس سپيكەرىنىڭ كانديداتۋراسىن ۆيتسە- سپيكەر پاۆەل كازانتسيەۆ ۇسىنىپ، دەپۋتاتتار ءبىراۋىزدان قولدادى. ءوز كەزەگىندە پالاتا سپيكەرى دەپۋتاتتارعا فراكسيا جەتەكشىسى رەتىندە قولداعاندارى ءۇشىن العىس ءبىلدىردى.
ەرلان قوشانوۆ فراكسيا جۇمىسىن جاڭا دەڭگەيگە كوتەرەتىنىن ايتىپ، مەملەكەت باسشىسى، «Nur Otan» پارتياسىنىڭ ءتوراعاسى قاسىم- جومارت توقايەۆتىڭ 2022 -جىلدىڭ 28-قاڭتارىنداعى «Nur Otan» پارتياسىنىڭ كەزەكتەن تىس XXI سەزىندە فراكسيا جۇمىسىن قايتا باستاۋ تۋرالى تاپسىرماسىنا ەرەكشە نازار اۋداردى. فراكسيا باسشىسى ءوز سوزىندە پارتيا ءتوراعاسىنىڭ قويعان جەتى باسىم باعىتىن جانە وعان تۇبەگەيلى رەفورما جاساپ، قايتا قۇرۋ قاجەتتىگىنە نازار اۋداردى. پالاتا ءتوراعاسى بارلىق دەپۋتات سەنىم مانداتىن الىپ، كوپشىلىك دەپۋتاتتار پرايمەريز ارقىلى ءوتىپ، وڭىرلەردىڭ تىرشىلىگىن جاقسى بىلەتىنىن العا تارتتى. سونىمەن قاتار بۇل ايماقتارداعى وزەكتى ماسەلەلەردى دەر كەزىندە شەشۋگە مۇمكىندىك بەرەتىنىنە توقتالدى.
وتىرىستا ءماجىلىس سپيكەرى فراكسيا الدىندا تۇرعان جاڭا مىندەتتەردى ەسكەرە وتىرىپ، زاڭ جوبالاۋ قىزمەتىنىڭ ساپاسىن ارتتىرۋ، دەپۋتاتتىق ساۋالداردىڭ وزەكتىلىگىن ارتتىرۋ، تالداۋ جانە وڭىرلەردەگى جۇمىس ماسەلەلەرى بويىنشا پارتيانىڭ ورتالىق اپپاراتىمەن ءوزارا ءىس- قيمىلدى كۇشەيتۋدى تاپسىرىپ، فراكسيا دەپۋتاتتارى اقپاراتتىق جۇمىسقا، ونىڭ ىشىندە الەۋمەتتىك جەلىلەرگە دە باسا نازار اۋدارۋى كەرەك ەكەنىن ايتتى.
ءماجىلىس ءتوراعاسى اعىمداعى جىلدىڭ اقپان ايىندا دەپۋتاتتاردىڭ وڭىرلەرگە شىعۋىنا بايلانىستى فراكسيا مۇشەلەرىنە ءبىرقاتار تاپسىرمالار جۇكتەدى. الداعى جۇمىستاردىڭ ماڭىزدىلىعىن اتاپ وتكەن ەرلان قوشانوۆ تۇرعىندارمەن كەزدەسۋ ازاماتتاردىڭ ناقتى ماسەلەلەرىن جەرگىلىكتى جەردە تالقىلاۋ ارقىلى ءوتۋ كەرەكتىگىن ەسكە سالدى.
پالاتا سپيكەرىنىڭ ايتۋىنشا، دەپۋتاتتاردىڭ حالىقپەن كەزدەسۋلەرى تەك ورتالىقتارمەن، قالالارمەن عانا شەكتەلمەي، شالعايداعى ەلدى مەكەندەردە، اۋىلداردا ءوتۋى ءتيىس. ونىڭ ىشىندە جاستارعا مەملەكەت تاراپىنان كورسەتىلەتىن قولداۋلار جايىندا ءتۇسىندىرىپ، ەرەكشە كوڭىل ادارۋ قاجەت ەكەنىن جەتكىزدى.
سونداي- اق ەرلان قوشانوۆ ءىس ساپارلار بارىسىندا دەپۋتاتتار قوعامدىق كەڭەس مۇشەلەرمەن كەزدەسۋلەر وتكىزىپ، پارتيانىڭ قوعامدىق قابىلداۋ بولىمدەرىندە ازاماتتاردى قابىلداپ، ولاردىڭ شىنايى ماسەلەلەرىن كوتەرۋى كەرەك ەكەنىن ايتتى.
وتىرىس بارىسىندا جاڭا مىندەتتەردى ەسكەرە وتىرىپ، ماجىلىسمەندەر فراكتسيانىڭ ساپالىق قۇرامىنا وزگەرىستەر ەنگىزدى. اتاپ ايتقاندا، ءماجىلىس دەپۋتاتى ەرلان سايروۆ فراكسيا ءتوراعاسىنىڭ ورىنباسارى جانە پرەزيديۋم مۇشەسى، ال ءماجىلىس دەپۋتاتتارى ەلنۇر بەيسەنبايەۆ پەن ەكاتەرينا سمىشليايەۆا فراكتسيا ءتورالقاسىنىڭ مۇشەسى بولىپ سايلاندى. سونىمەن قاتار، فراكسيا وتىرىسىنا «Nur Otan» پارتياسىنىڭ اتقارۋشى حاتشىسى اسحات ورالوۆ قاتىستى.
