22:50, 31 - شىلدە 2024 | GMT +5
نۇرتاس ادامباي ءدىني قىزمەت تۋرالى زاڭدى بۇزدى دەگەن كۇدىككە ءىلىندى
استانا. KAZINFORM - استانانىڭ مامانداندىرىلعان اۋدانارالىق اكىمشىلىك سوتىندا شوۋمەن نۇرتاس ادامبايعا قاتىستى ءىس قارالىپ جاتىر. بۇل تۋرالى اقپارات سوت كابينەتىندە پايدا بولدى.
نۇرتاس ادامبايعا ق ر ءدىني قىزمەت جانە ءدىني بىرلەستىكتەر تۋرالى زاڭناماسىن بۇزعانى ءۇشىن ايىپ تاعىلىپ وتىر. اتاپ ايتقاندا ءدىني عيماراتتاردى سالۋ، عيماراتتاردى ءدىني ماقساتتا قايتا تاعايىنداۋ، فۋنكتسيونالدىق ماقساتىن وزگەرتۋ بويىنشا قازاقستان زاڭناماسىنداعى تالاپتاردى بۇزۋعا قاتىستى.
مۇنداي بۇزۋشىلىقتار ءۇشىن جەكە تۇلعالار ءۇشىن 50 ا ە ك (185 مىڭ تەڭگە)، زاڭدى تۇلعالار ءۇشىن 200 ا ە ك (738 مىڭ تەڭگە) مولشەرىندە ايىپپۇل قاراستىرىلعان.
ءىستى تىڭداۋ 1-تامىزدا WhatsApp مەسسەندجەرى ارقىلى موبيلدى بەينەكونفەرەنتسيا ارقىلى وتەدى دەپ جوسپارلانعان.
اۆتور
ەلميرا ورالبايەۆا
