گەننادي گولوۆكين تاعى ءبىر ۇيىمنىڭ رەيتينگىنەن شىعىپ قالدى
بۇكىلالەمدىك بوكس ۇيىمى (WBO) ءار سالماق دارەجەسى بويىنشا رەيتينگىن جاڭارتتى. جاڭارعان رەيتينگكە قازاقستاندىق بوكسشى گەننادي گولوۆكين ەنبەي قالدى.
ورتا سالماقتا WBO چەمپيوندىق بەلبەۋىنە وتانداسىمىز جانىبەك ءالىمحان ۇلى يە بولىپ كەلەدى. ال رەيتينگتە كريس يۋبەنك (كىشىسى) كوش باستاپ تۇر. ەكىنشى ورىندا تاعى ءبىر وتانداسىمىز مەيىرىم نۇرسۇلتانوۆ تۇر. ۇشتىكتى شەين موزلي (كىشىسى) تۇيىندەگەن.
GGG سوڭعى رەت وتكەن جىلدىڭ قىركۇيەك ايىندا شارشى الاڭعا شىقتى. لاس-ۆەگاستا مەكسيكالىق ساۋل «كانەلو» الۆارەسپەن جۇدىرىقتاسىپ، تورەشىلەر شەشىمىمەن قارسىلاسىنا جول بەرگەن ەدى.
1 جىلدان استام ۋاقىت شارشى الاڭعا شىقپاعان گەنا بەدەلدى ۇيىمداردىڭ رەيتينگىنەن شىعىپ قالۋدا. بۇعان دەيىن وتانداسىمىز WBC، The Ring، Boxrec جانە ت. ب. ۇيىمداردىڭ رەيتينگىنەن الىنىپ تاستالعان بولاتىن.
