ەندى «Silk Way» تەلەارناسى تۇرىك تىلىندە حابار تاراتادى

استانا. قازاقپارات - 2024 -جىلدىڭ 1-مامىرىندا «Silk Way» تەلەارناسى تۇرىك تىلىندە حابار تاراتا باستايدى.

«Silk Way» - ەلدىڭ ءىرى مەدياحولدينگى – ق ر پرەزيدەنتىنىڭ تەلەراديوكەشەنى قۇرامىنا كىرەتىن تۇڭعىش ۇلتتىق سپۋتنيكتىك تەلەۆيزيالىق ارنا.

تەلەارنانىڭ شەتەل كورەرمەندەرىنە ۇسىناتىن ونىمدەرى اقپاراتتىق-ساراپتامالىق باعدارلاما، دوكۋمەنتالدى كينو جانە ونەر، مادەنيەت جانە تۋريزم تۋرالى تانىمدىق جوبالاردان تۇرادى.

«Jibek Joly/Silk Way» تەلەارناسىنىڭ باسقارۋشى ديرەكتورى ەركەجان كۇنتۋعاننىڭ ايتۋىنشا، تۇرىك تىلىندە حابار تاراتۋ - ونىمدەرىن قازاق، ورىس، اعىلشىن، وزبەك جانە قىرعىز تىلدەرىندە دايىندايتىن ارنانىڭ اۋديتورياسىن كەڭەيتەدى.

تەلەارنانىڭ ەفيرلىك جوسپارى تۇراقتى تۇردە ساپالى ءارى سۇرانىسى جوعارى كونتەنتپەن تولىقتىرىلىپ وتىرادى. مىسالى، بيىلعى قاڭتاردا اعىلشىن تىلىندە «Reporter With President» باعدارلاماسى جارىققا شىقتى. وندا مەملەكەت باسشىسىنىڭ جوعارى دەڭگەيدەگى كەزدەسۋلەرى مەن كەلىسسوزدەرىنەن ەكسكليۋزيۆتى كادرلار كورسەتىلدى.

بۇعان قوسا بيىل «ورەل ي رەشكا. كازاحي» تانىمال تريەۆەل-شوۋىنىڭ جاڭا ماۋسىمى ىسكە قوسىلدى. ول تەلەكانال حابار دايىندايتىن بارلىق تىلدە تاراتىلادى.

ايتا كەتەيىك، 2002 -جىلدىڭ 25-قازانىندا تەلەارنا «CaspioNet» برەندىمەن (كەيىننەن «Kazakh TV» «Qazaq TV» رەبرەندينگتەرىنەن كەيىن) حابار تاراتا باستادى. 2017 -جىلدىڭ 16 قاراشاسىندا تەلەارنا قازاق، ورىس جانە اعىلشىن تىلدەرىندەگى اۋديوترەكتەرى بار كوپ ءتىلدى حابار تاراتۋعا كوشتى. 2018 -جىلدىڭ 1-مامىرىنان باستاپ قىرعىز تىلىندە، ال سول جىلدىڭ قاراشاسىندا وزبەك تىلىندە حابار تاراتا باستادى. 2024 -جىلدىڭ 1-مامىرىنان باستاپ تۇرىك تىلىندە حابار تاراتۋ باستالادى.