ەندى مەنى ۇرسپايسىزدار. قاراعاندى اكىمىنىڭ جازباسى جۇرتتى كۇلدىردى
استانا. قازاقپارات - قاراعاندى قالاسىنىڭ اكىمى مەيرام كوجۋحوۆ Instagram-پاراقشاسىندا جول قۇرىلىسى اياقتالعانى تۋرالى جازىپ، جۇرتتى كۇلدىردى.
«ۋرا! دوستار، مەنى ەرتەڭنەن باستاپ ۇرسپايتىندارىڭىزعا قۋانىپ وتىرمىن! بۇل ءساتتى سىزدەردەن بۇرىن مەن قاتتى كۇتتىم. چەتسكايا كوشەسىندەگى جوندەۋ جۇمىستارىنىڭ اياقتالۋىنا از قالدى. مەن قاتتى قۋانىپ وتىرمىن. بۇعان دەيىن دۇيسەمبەكوۆ كوشەسىنەن بۇقار جىراۋ كوشەسىنە دەيىنگى جولدى اشقان بولاتىنبىز»، - دەيدى اكىم.
مەيرام كوجۋحوۆ قالعان كوشەلەردەگى جوندەۋ جۇمىستارى نە ءۇشىن كەشىگىپ جاتقانىن تۇسىندىرگەن.
اكىمنىڭ وقىرماندارى بۇل جازباسىنا ءتۇرلى پىكىر قالدىرعان.
«كىم نە دەسە دە - جارايسىز! ءسىزدى بەتپە-بەت كورىپ، سوزىمەن ەمەس، ىسىمەن دالەلدەپ جۇرگەن ءبىرىنشى اكىمسىز!»
"كۇشتى جاڭالىق، راحمەت سىزگە! جۇمىسكەرلەردىڭ دە ەڭبەگى زور، جارايسىزدار!»
«وسىلاي ەلدىڭ باتاسىن الۋعا تىرىسۋ كەرەك»، - دەيدى جەلى قولدانۋشىلارى.
ايتا كەتەيىك، مەيرام كوجۋحوۆ 2023 -جىلدان باستاپ قاراعاندى قالاسى اكىمى بولىپ قىزمەت ەتىپ كەلە جاتىر. بۇعان دەيىن ول قالا اكىمىنىڭ ورىنباسارى بولعان.
اكىم الەۋمەتتىك جەلىدە بەلسەندى. ونىڭ Instagram پاراقشاسىندا 14 مىڭ وقىرمانى بار.
