ەندى ەلىمىزگە كەلەتىن شەتەل ازاماتتارىنا QR كود بەرىلەدى

استانا. KAZINFORM - قازاقستاندا كەلەتىن شەتەل ازاماتتارىنىڭ قاۋىپسىزدىگىن قامتۋ ماقساتىندا جاڭا پلاتفورما ىسكە قوسىلدى. بۇل تۋرالى ىشكى ىستەر مينيسترلىگى حابارلايدى.

Қазақстанда шетелдік туристерге арналған QR код іске қосылды
فوتو: مۋحتور حولدوربەكوۆ/kazinform

- مەملەكەت باسشىسى جاقىندا وتكەن ۇكىمەتتىڭ كەڭەيتىلگەن وتىرىسىندا تۋريزمدى دامىتۋدىڭ جانە شەتەلدىك قوناقتارعا قولايلى جاعداي جاساۋلىڭ ستراتەگيالىق ماڭىزىن اتادى. ىشكى ىستەر مينيسترلىگى ەلگە كەلەتىن تۋريستەردىڭ قاۋىپسىزدىگىن قامتاماسىز ەتۋدى جالعاستىرۋدا. ەندى ءاربىر شەتەلدىك قوناققا ەلگە كىرگەن بويدا، سونداي-اق شەكارا باقىلاۋىنان وتكەن كەزدە ەلەكتروندى كوپ ءتىلدى QR كودى بار ارنايى كارتا بەرىلەدى، - دەپ تۇسىندىرىلگەن ۆيدەودا.

ۆەدومستۆونىڭ مالىمەتىنشە، شەتەلدىك قوناق QR كودتىڭ كومەگىمەن پورتالعا (safetravel.kz) وتەدى، ول جەردە قاۋىپسىز ءجۇرىپ-تۇرۋعا قاتىستى بارلىق اقپارات، ۇسىنىم مەن پايدالى موبيلدى قوسىمشالار قولجەتىمدى.

- QR كودى بار العاشقى كارتالار ەلوردانىڭ اۋەجايىندا شەتەلدىك قوناقتارعا تابىستالا باستادى، - دەيدى مينيسترلىكتەن.

Safetravel.kz پورتالىندا شەتەلدەن كەلەتىن ازاماتتارعا ۇسىنىلادى:

- پوليتسيامەن جەدەل بايلانىس ورناتۋعا ارنالعان «102» موبيلدى قوسىمشاسى، ونىڭ ىشىندە «SOS» فۋنكتسياسى دا بار؛

- كوشى-قون زاڭناماسىن ساقتاۋ جونىندەگى جادىناما؛

- تانىمال قوسىمشالارعا سىلتەمە جاسالعان قالا كارتاسى؛

- رەسمي تاكسي مەن ونلاين قىزمەتتەردىڭ ءتىزىمى؛

- بايلانىس وپەراتورلارىنىڭ ءتىزىمى جانە ولاردىڭ رەسمي سايتتارىنا سىلتەمە؛

- ءار ءتۇرلى جاعدايدا ارەكەت ەتۋ الگوريتمدەرى؛

- باسقا شۇعىل قىزمەت بايلانىستارى، ونىڭ ىشىندە جەدەل جاردەم، ءورت ءسوندىرۋ ءبولىمى، ءبىرىڭعاي قۇتقارۋ قىزمەتى.

ەسكە سالا كەتسەك، بىلتىر ەلىمىز شەتەل ازاماتتارىنا جسن بەرۋدى ۋاقىتشا توقتاتقان ەدى.

اۆتور

داۋلەت ىزتىلەۋ

سوڭعى جاڭالىقتار