ەندى شەتەلگە شىعۋعا تىيىمنىڭ بار-جوعىن ونلاين بىلۋگە بولادى
استانا. KAZINFORM — ەگەر ءسىز شەتەلگە شىعۋدى جوسپارلاساڭىز، eGov.kz پورتالى مەن eGov mobile موبيلدى قوسىمشاسى ارقىلى تىيىمنىڭ بار- جوعىن تەكسەرە الاسىز. بۇل تۋرالى «ۇلتتىق اقپاراتتىق تەحنولوگيالار» ا ق حابارلايدى.
— شەتەلگە ساپار جوسپارلاعان كەز كەلگەن ادام ءوز جوسپارىنا ەشقانداي كەدەرگى بولمايتىنىنا سەنىمدى بولعىسى كەلەدى. الايدا، ءتۇرلى قارىزدار شەتەلگە شىعۋعا شەكتەۋ قويۋعا سەبەپ بولۋى مۇمكىن. وسىنداي جاعدايدىڭ الدىن الۋ ءۇشىن ازاماتتار ەلدەن شىعۋعا تىيىم سالۋدىڭ بار-جوعىن eGov.kz پورتالى نەمەسە eGov Mobile قوسىمشاسى ارقىلى جەدەل تەكسەرە الادى، — دەلىنگەن اقپاراتتا.
شەتەلگە شىعۋ قۇقىعىن شەكتەۋدىڭ نەگىزگى سەبەبى — قارىز. ونىڭ قاتارىنا تولەنبەگەن سالىقتار، ايىپپۇلدار، اليمەنتتەر، كوممۋنالدىق قىزمەتتەر بويىنشا قارىزدار، سونداي-اق ءتيىستى قۇجاتتىق راستاۋى بار جەكە نەمەسە زاڭدى تۇلعالار الدىنداعى قارىزدار جاتادى.
قىزمەتتى egov.kz پورتالىندا قالاي پايدالانۋ كەرەك:
«ازاماتتارعا» — «ازاماتتىق، كوشى-قون جانە يمميگراتسيا» — «شەتەلگە شىعۋ» ءبولىمىن تاڭداۋ كەرەك؛
«شەت ەلگە شىعۋى شەكتەلگەن، بورىشكەرلەر ءتىزىلىمى جانە اتقارۋ ءوندىرىسى بويىنشا بورىشكەرلەر ءتىزىلىمى بويىنشا شەت ەلگە شىعۋعا تىيىم سالىنعاندىعىنىڭ بار بولۋىن تەكسەرۋ» قىزمەتىن تاڭداپ، «ونلاين سۇراۋ» باتىرماسىن باسۋ قاجەت؛
ج س ن/ب س ن- دى ەڭگىزىپ، «ارى قاراي» باتىرماسىن باسۋ كەرەك؛
مارتەبەلىك بەتتە سۇرانىستى قاراۋ ناتيجەسىمەن تانىسۋ قاجەت.
eGov Mobile قوسىمشاسىندا سەرۆيستى پايدالانۋ ءۇشىن:
— eGov Mobile قوسىمشاسىنا كىرىپ جانە اۆتوريزاتسيادان ءوتىپ، «قىزمەتتەر» — «ساياحات، شەتەلدەگى ءومىر جانە ەميگراتسيا» ءبولىمىن تاڭداۋ قاجەت؛
— «شەت ەلگە شىعۋى شەكتەلگەن بورىشقورلار ءتىزىمى جانە اتقارۋ ءوندىرىسى بويىنشا بورىشقورلار ءتىزىلىمى بويىنشا شەت ەلگە شىعۋعا تىيىم سالىنعانداردىڭ بار بولۋىن تەكسەرۋ» قىزمەتىن تاڭداۋ كەرەك؛
— ج س ن/ب س ن ەنگىزىپ، «تەكسەرۋ» باتىرماسىن باسىڭىز؛
— تەكسەرۋ ناتيجەسىمەن تانىسۋ قاجەت.
قانشا قارىز بولسا، شەتەلگە شىعۋعا تىيىم سالىنادى؟
— شەتەلگە شىعۋعا شەكتەۋلەر قارىز سوماسى 40 ا ە ك- تەن اسقان جاعدايدا نەمەسە سوت ءتيىستى ءوندىرىپ الۋ تۋرالى قاۋلى شىعارعان بولسا، اليمەنت تولەمدەرىنىڭ مەرزىمى 3 ايدان اسىپ كەتكەن جاعدايدا قولدانىلادى. سوتپەن بەكىتىلگەن سوت ورىنداۋشىسىنىڭ قاۋلىسى ۇلتتىق قاۋىپسىزدىك كوميتەتى شەكارا قىزمەتىنە جىبەرىلەدى، سول ارقىلى قارىزى بار ازاماتتىڭ شەكارادان ءوتۋ مۇمكىندىگىن بۇعاتتايدى، — دەلىنگەن حابارلامادا.
ودان بولەك، شەتەلگە شىعۋعا تىيىمنىڭ بار-جوعىن اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان اقپاراتتىق جۇيەسى ءا ى ج و ا ا ج ارقىلى «شەتەلگە شىعۋعا تىيىم سالۋ» بولىمىنەن بىلۋگە بولادى.
اتالعان قىزمەت سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى، «ۇلتتىق اقپاراتتىق تەحنولوگيالار» ا ق جانە ادىلەت مينيسترلىگىمەن بىرلەسىپ ىسكە قوسىلدى.
ايتا كەتەيىك، قامقورلىققا العان ازاماتتاردى تۇرعىلىقتى جەرى بويىنشا تىركەۋ ەندى eGov.kz پورتالى ارقىلى ونلاين جۇزەگە اسىرۋعا بولادى.
