ەندى ە ا ە و-عا مۇشە مەملەكەتتەر رۋبلمەن ساۋدا جاساماق
ءماجىلىستىڭ جالپى وتىرىسىندا «2014 -جىلعى 29-مامىرداعى ەۋرازيالىق ەكونوميكالىق وداق تۋرالى شارتقا ەۋرازيالىق ەكونوميكالىق وداققا مۇشە مەملەكەتتەردىڭ اراسىندا كەدەندىك اكەلۋ باجدارىنىڭ سومالارىن اۋدارۋعا قاتىستى بولىكتە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن قاراۋعا الدى، - دەپ حابارلايدى Massaget.kz.
ق ر دەپۋتاتى تاتيانا ساۆەليەۆا اتالعان زاڭ جوباسى ماجىلىسكە 2024 -جىلعى 4-تامىزدا ۇكىمەت قاۋلىسىمەن ەنگىزىلگەنىن اتاپ ءوتتى.
«كەدەندىك اكەلۋ باجدارىنىڭ سومالارىن ەسەپكە جاتقىزۋ جانە ءبولۋ ءتارتىبى جانە ولاردى ە ا ە و-عا مۇشە مەملەكەتتەر بيۋدجەتتىنىڭ كىرىسىنە اۋدارۋ تۋرالى حاتتاما ەۋرازيالىق ەكونوميكالىق وداققا مۇشە مەملەكەتتەردىڭ ۇلتتىق بانكتەرىنىڭ قارسى مىندەتتەمەلەرىنىڭ سوماسىن اۋدارۋ تەتىگىن ايقىندايدى.
2022 -جىلدان باستاپ رەسەي فەدەراتسياسى ا ق ش دوللارىمەن (ە ا ە و تۋرالى شارت شەڭبەرىندە) قارسى مىندەتتەمەلەردى ەسەپتەۋدى توقتاتتى. وسىعان بايلانىستى، وسى حاتتاماعا ۋاقىتشا تەتىكتى ايقىنداۋ بولىگىندە وزگەرىستەر ەنگىزىلەدى، وعان سايكەس رەسەي فەدەراتسياسىمەن جانە بەلارۋس رەسپۋبليكاسىمەن ەسەپ ايىرىسۋ كەزىندە ورتالىق بانكتەر اراسىنداعى قارسى مىندەتتەمەلەر ايىرماسىنىڭ سوماسى رەسەي رۋبلىمەن اۋدارىلادى»، - دەدى قارجى جانە بيۋدجەت كوميتەتىنىڭ ءتوراعاسى.
تاتيانا ساۆەليەۆا بۇل وزگەرىستەردى ەنگىزۋ كەدەن باجدارىن ە ا ە و-عا مۇشە مەملەكەتتەر بيۋدجەتتەرىنىڭ كىرىسىنە اۋدارۋدىڭ ۇزدىكسىزدىگىن قامتاماسىز ەتەتىنىن اتاپ ءوتتى.
دەپۋتاتتار زاڭ جوباسىن قاراۋعا الدى.
