يلون ماسك NASA عا عارىش سكافاندرلارىن جەتىلدىرۋگە نيەت ءبىلدىردى
NASA باس ينسپەكتورى پول ءمارتيننىڭ بايانداماسىندا عارىش اگەنتتىگى ايتارلىقتاي قيىندىقتارعا تاپ بولادى دەپ ايتىلعان. اتاپ ايتقاندا، xEMU- ءدىڭ العاشقى ەكى كوستيۋمىن (Exploration Extravehicular Mobility Unit - اشىق عارىشتى زەرتتەۋگە ارنالعان ءموبيلدى جۇيە) دايىنداۋ قارجىلاندىرۋدىڭ 209 ميلليون دوللاردان 150 ميلليون دوللارعا دەيىن تومەندەۋىنە، پاندەمياعا جانە تەحنيكالىق پروبلەمالارعا بايلانىستى كەشىكتىرىلۋدە. مەرزىمى بويىنشا كىدىرىس 20ايعا جەتتى دەپ حابارلانعان. ەندى عارىش كوستيۋمدەرى اگەنتتىككە 2025 -جىلدىڭ ساۋىرىنەن ەرتە تۇسپەۋى كەرەك.
بايانداما ۇزىندىلەرىن CNBC امەريكاندىق تەلەارناسىنىڭ ءجۋرناليستى مايكل شيتتس Twitter- دە جاريالادى. باسىلىمعا جاۋاپ رەتىندە ماسك «SpaceX قاجەت بولعان جاعدايدا كوستيۋم جاساي الادى» دەپ جازدى.
بيزنەسمەن قۇجاتتىڭ تاعى ءبىر دايەكسوزىنە تۇسىنىكتەمە بەردى، وندا قازىر NASA كوستيۋمدەرىنىڭ كەلەسى بۋىنى ءۇشىن تەحنولوگيالاردى بىردەن 27 جەكە كومپانيا جەتكىزەدى.
«اس ۇيدە اسپازشىلار تىم كوپ سياقتى» ، دەپ ازىلدەدى ماسك.
SpaceX باس ديرەكتورى Dragon ەكيپاجىنىڭ ميسسيالارىندا قولدانىلاتىن كوستيۋمدەرمەن جەكە جۇمىس جاساعانى اتاپ ءوتىلدى.
ماسك وعان جانە كوستيۋم سۋرەتشىسى حوسە فەرناندەسكە 2020 -جىلدىڭ مامىر ايىندا NASA استروناۆتتارى روبەرت بەنكەن جانە دۋگلاس حەرليمەن بىرگە 30 مامىردا حالىقارالىق عارىش ستانتسياسىنا شىققان Dragon Crew ەكيپاجىنىڭ كوستيۋمدەرىن جاساۋ ءۇشىن ءۇش جىل قاجەت ەكەنىن ايتتى.
بۇعان دەيىن ا ق ش SpaceX- ءتى ادام قوناتىن اي ءمودۋلىن قۇرۋ باعدارلاماسىنىڭ جالعىز مەردىگەرى رەتىندە بەكىتكەن بولاتىن.
egemen.kz