مينيسترلىك قازاقستان تۇرمەلەرىندەگى ءدىن ۇستاناتىندار سانىن ايتتى

استانا. KAZINFORM - ىشكى ىستەر مينيسترلىگى Kazinform ساۋالىنا جولداعان جاۋاپتا قازاقستان تۇرمەلەرىندەگى ءدىن ۇستاناتىندار سانىن اتادى.

- ءى ءى م مۇددەلى مەملەكەتتىك ورگاندارمەن (ۇلتتىق قاۋىپسىزدىك كوميتەتى، باس پروكۋراتۋرا، مادەنيەت جانە اقپارات مينيسترلىگى) بىرلەسىپ قىلمىستىق-اتقارۋ جۇيەسى مەكەمەلەرىنىڭ ارنايى كونتينگەنتى اراسىندا راديكالدى ءدىني يدەولوگيانىڭ تارالۋىنا جول بەرمەۋ، تەرروريستىك قىزمەتتىڭ دەسترۋكتيۆتى ءدىني اعىمدارىن جاقتاۋشىلاردىڭ تەرروريزمدى جانە وزگە دە قۇقىققا قايشى ارەكەتتەردى ناسيحاتتاۋ فاكتىلەرىن انىقتاۋ جانە جولىن كەسۋ بويىنشا جۇيەلى شارالار قابىلداپ وتىرادى.

بۇگىنگى تاڭدا، پەنيتەنتسيارلىق مەكەمەلەردە 39 مىڭنان استام سوتتالعاندار مەن تەرگەۋ ماقساتىمەن قاماۋعا الىنعاندار وتىر. ونىڭ ىشىندە دىنگە سەنۋشىلەر - 6383، - دەپ جازىلعان رەسمي مالىمەتتە.

مينيسترلىك كەلتىرگەن انىقتاما مالىمەتىنە سەنسەك، تۇرمەدە ءدىن ۇستانۋشىلاردىڭ سانى:

2024 -جىلى 6464 ادام بولسا،
2023 -جىلى 5121
2022 -جىلى 4230 ادام بولعان.
بۇعان دەيىن قازاقستان تۇرمەلەرىندەگى 1 مىڭنان استام ايەل راقىمشىلىققا ءىلىنۋى مۇمكىن ەكەنىن جازعان ەدىك.

اۆتور

ەسىمجان ناقتىباي