مينيستر تاكسيگە 50 شاقىرىمنان ۇزاق جولدا ادام تاسۋعا شەكتەۋ قويۋ ۇسىنىسىنا تۇسىنىك بەردى
استانا. KAZINFORM - كولىك ءمينيسترى مارات قارابايەۆ InDriver جانە ياندەكس قولدانۋشىلارىنا 50 شاقىرىمنان ۇزاق قالاارالىق جولدا ادام تاسۋعا شەكتەۋ قويۋ تۋرالى ۇسىنىسقا تۇسىنىك بەردى.
بۇگىن ۇكىمەت وتىرىسىنان كەيىنگى باسپا ءسوز ءماسليحاتىندا تىلشىلەر مينيستردەن اتالعان ماسەلەگە بايلانىستى قوعامدىق تىڭداۋ قاشان بولاتىنىن جانە مينيسترلىككە قانداي ۇسىنىستار تۇسكەنىن سۇرادى.
«50 شاقىرىم نەمەسە 100، 150 شاقىرىمنان استام جولعا تىيىم سالۋ تۋرالى مينيسترلىك ۇسىنىس جاساعان ەمەس جانە ءبىزدىڭ ۆەدومستۆو وسىنداي تۇزەتۋدى ەنگىزبەدى. اتاپ ايتقاندا، اتالعان شەكتەۋگە قاتىستى ناقتى وزگەرىس پەن ول بويىنشا قوعامدىق تىڭداۋلار وتكىزۋ قاراستىرىلماعان. بۇل رەتتە، وسىعان دەيىن جۇمىس توبى مۇشەلەرىنىڭ ءبىرى اگرەگاتورلاردىڭ قىزمەتىن جەتىلدىرۋگە باعىتتالعان ۇسىنىس جاساعان ەدى»، - دەدى م. قارابايەۆ.
ءسوز سوڭىندا مينيستر قازىر اتالعان تاقىرىپ بويىنشا تالقىلاۋ قاراستىرىلماعانىن ايتتى.
