مينيستر ەلدەگى گاز بەن بەنزين قورى تۋرالى تۇسىندىرمە جاسادى

استانا. KAZINFORM - ق ر ەنەرگەتيكا ءمينيسترى الماسادام ساتقالييەۆ ەلىمىزدە وتىن تاپشىلىعى جوق ەكەنىن ايتتى.

ا. ساتقاليەۆ بۇعان دەيىن زاۋىتتار مۇناي ونىمدەرىنە ىشكى نارىق قاجەتتىلىگىن جابۋ ءۇشىن جوندەۋگە شىعارىلمايتىنىن نەمەسە مەرزىمىنەن بۇرىن جوندەۋدەن شىعارۋ تاجىريبەسى بولعانىن اتاپ ءوتتى. بۇل ينفراقۇرىلىمنىڭ ايتارلىقتاي ەسكىرۋىنە اكەلدى.

«ءبىزدىڭ باستى ماقساتىمىز - قىس مەزگىلىندە جانە تۇتاستاي العاندا مۇناي وڭدەۋ زاۋىتتارىنىڭ جىل بويى تۇراقتى جۇمىس ىستەۋى. سوندىقتان ءبىز جۇمىس رەجيمىن وزگەرتتىك جانە بارلىق زاۋىتتار بەلگىلەنگەن جوسپارلى مەرزىمدەرگە سايكەس جوندەلۋى كەرەكتىگىنە نازار اۋدارامىز. بۇل رەتتە زاۋىتتى جوندەۋگە شىعارۋ ءۇشىن ءبىز وتىن قورىن الدىن الا جيناي باستايمىز»، - دەدى ا. ساتقاليەۆ.

ونىڭ ايتۋىنشا، ەنەرگەتيكا مينيسترلىگى مۇناي ونىمدەرىن تۇتىنۋ ستاتيستيكاسىن جۇرگىزەدى جانە ءتيىستى قوردى دايىندايدى. قاجەت بولعان جاعدايدا جانارماي يمپورتى تۋرالى كەلىسىمدەر دە بار.

«قازىرگى ۋاقىتتا ەشقانداي ماسەلە جوق. بىزدە 27 كۇننەن اساتىن ۋاقىتقا ديزەل، بەنزين، 45 كۇنگە - اۆياكەروسين بار جانە ەش پروبلەما بولمايتىنىنا سەنىمدىمىز. كەيبىر ايماقتاردا كەيبىر جانارماي قۇيۋ بەكەتتەرىندە سۇيىتىلعان گاز تاپشىلىعىنا قاتىستى ماسەلەلەر بولدى. ەگىن جيناۋ ناۋقانى مەن جاڭبىرعا بايلانىستى وڭىرلەردەگى اۋىل شارۋاشىلىعى وندىرۋشىلەرى استىق پەن بۇرشاق داقىلدارىن كەپتىرۋ ءۇشىن ديزەل وتىنى مەن سۇيىتىلعان مۇناي گازىنىڭ قوسىمشا كولەمىن سۇرادى. وسىعان بايلانىستى قوسىمشا ىزدەۋگە تۋرا كەلدى، ءبىراق جونەلتۋ بەلگىلەنگەن كەستەلەرگە سايكەس ءجۇرىپ جاتىر. ءوڭىر ىشىندە ىشكى بولۋمەن بايلانىستى ماسەلەلەر بار، ءبىراق ەلىمىزدە مۇناي ونىمدەرىنىڭ بىردە- ءبىر تۇرىنە تاپشىلىق جوق»، - دەدى ا. ساتقاليەۆ.