موزامبيك جاعالاۋىندا كەمە اپاتقا ۇشىراپ، 91 ادام قازا تاپتى

استانا. KAZINFORM - موزامبيكتە بالىقشىلار كەمەسى تيەلگەن جۇكتىڭ شامادان تىس ارتىق بولۋى سالدارىنان سۋعا باتىپ، كەم دەگەندە 91 ادام قازا تاپتى، دەپ حابارلايدى تاسس اقپارات اگەنتتىگى.

ولاردىڭ ايتۋىنشا، كەمەدە 130 ادام بولعان. كەمەگە شامادان تىس جۇك تيەلىپ، جولاۋشىلاردى تاسىمالداۋعا جارامسىز بولعان، دەپ حابارلادى نامپۋلا پروۆينتسياسى مەملەكەتتىك حاتشىسى.

ونىڭ ايتۋىنشا، كەمەدە تىرىسقاق ەپيدەمياسىنىڭ تارالۋى تۋرالى جالعان اقپارات سالدارىنان دۇربەلەڭ باستالعان، جولاۋشىلاردىڭ كوپشىلىگى جاعاعا شىعۋعا تىرىسقان.

مەملەكەتتىك حاتشىنىڭ حابارلاۋىنشا، قازا تاپقاندار اراسىندا بىرنەشە بالا بار. قۇتقارۋشىلار امان قالعان بەس ادامدى تاپتى، ونىڭ ەكەۋى اۋرۋحاناعا جەتكىزىلدى. كەمەنىڭ اپاتقا ۇشىراۋ سەبەبىن انىقتاۋ ءۇشىن تەرگەۋ امالدارى باستالدى.