مولدوۆادا ءوتىپ جاتقان پرەزيدەنت سايلاۋىنىڭ ەكىنشى كەزەڭىندە مايا ساندۋ جەڭىسكە جەتتى

استانا. KAZINFORM - مولدوۆانىڭ ءىس باسىنداعى پرەزيدەنتى مايا ساندۋ پرەزيدەنت سايلاۋىنىڭ ەكىنشى كەزەڭىندە جەڭىسكە جەتتى.

وعان سايلاۋشىلاردىڭ %54,96 داۋىس بەرگەن. ال ونىڭ قارسىلاسى الەكساندر ستويانوگلو %45,04 داۋىس جينادى. بۇل ورتالىق سايلاۋ كوميسسياسىنىڭ %98,74 حاتتامالاردى وڭدەۋدەن كەيىنگى داۋىس بەرۋدىڭ الدىن الا قورىتىندىسى.

ەندى شەت مەملەكەتتەردەگى سايلاۋ ۋچاسكەلەرىندەگى داۋىستاردى ساناۋ عانا قالدى.

مولداۆانىڭ وزىندە حاتتامالار %100 وڭدەلدى. ورتالىق سايلاۋ كوميسسياسىنىڭ حاتتامالارىنا سايكەس، ەل ىشىندە حالىقتىڭ كوپشىلىگى ستويانوگلوعا داۋىس بەرگەن. وسىلايشا ول %51,19 داۋىس جيناعان. ال ساندۋدى ەلدىڭ %48,81 قولدادى.

وسىعان دەيىن مولدوۆانىڭ ورتالىق سايلاۋ كوميسسياسى رەفەرەندۋمنىڭ سوڭعى قورىتىندىسىن بەكىتكەنى تۋرالى جازدىق.