موڭعوليادا 2050-جىلعا قاراي ءار بەسىنشى ادام زەينەت جاسىنا جەتەدى
استانا. KAZINFORM - موڭعوليا حالقى قۇرىلىمىندا ايتارلىقتاي وزگەرىستەر بولىپ جاتىر. قازىر ەڭبەككە قابىلەتتى جاستاعى حالىق سانى ارتىپ كەلەدى، دەپ حابارلايدى مونتسامە.
موڭعوليانىڭ وتباسى، ەڭبەك جانە الەۋمەتتىك قورعاۋ مينيسترلىگى ب ۇ ۇ- نىڭ حالىق قونىستانۋى جونىندەگى قورىمەن (ي ۋ ن ف پ ا) بىرلەسىپ «تەڭدىكتى نىعايتۋ جانە تەڭ قۇقىقتى قاتىسۋ: موڭعولياداعى ۇرپاقارالىق جانە گەندەرلىك ەكونوميكالىق سىن- قاتەرلەر» تاقىرىبىندا پىكىرتالاس ۇيىمداستىردى.
پىكىرتالاس بارىسىندا موڭعوليا حالقى قۇرىلىمىندا ايتارلىقتاي وزگەرىستەر بولىپ جاتقانى اتاپ ءوتىلدى. ەلدە ەڭبەككە قابىلەتتى جاستاعى حالىق سانى ارتىپ كەلەدى. ءوز كەزەگىندە بۇل - دەموگرافيالىق ديۆيدەندتەردى ءتيىمدى پايدالانۋ ءۇشىن قولايلى مۇمكىندىك. مۇنداي دەموگرافيالىق تەرەزەلەر دەپ اتالاتىن كەزەڭدەردە ەڭبەككە قابىلەتتى تۇرعىنداردىڭ ۇلەسى جوعارى بولادى. زەرتتەۋ ناتيجەسىنە سايكەس، بۇل مۇمكىندىك ۇزاققا سوزىلمايدى: 2050 -جىلعا قاراي ءار بەسىنشى تۇرعىن قارتايعان نەمەسە زەينەت جاسىنا جەتكەن ادام بولماق.
حالىق قۇرىلىمىنىڭ وزگەرۋىنە بايلانىستى ۇلتتىق ترانسفەرتتىك شوت جۇيەسى قولدانىلادى. ۇلتتىق ترانسفەرتتىك شوتتار (ۇ ت ش) — ۇرپاقتار اراسىنداعى ەكونوميكالىق اعىنداردى ولشەۋ مەن تالداۋعا، سونداي-اق بۇل اعىنداردىڭ ەل ەكونوميكاسىنا اسەرىن باعالاۋعا ارنالعان قۇرال.
تايلاند كورولدىگى الەۋمەتتىك قامسىزداندىرۋ جۇيەسىن وڭتايلاندىرۋعا ەرەكشە نازار اۋدارىپ وتىر، ال فيليپپيندەر حالىقتىڭ قارتايۋىمەن كۇرەس ستراتەگياسىن جەتىلدىرۋدە ۇلتتىق ترانسفەرتتىك شوت جۇيەسىن پايدالانادى.
