مەملەكەتكە 1,4 ميلليارد تەڭگە زالال اكەلگەن قىلمىستىق توپتىڭ مۇشەسى مولدوۆادان تابىلدى
استانا. KAZINFORM - باس پروكۋراتۋرا مەن قارجى مونيتورينگى اگەنتتىگىنىڭ قىزمەتكەرلەرى سىرتقى ىستەر مينيسترلىگىنىڭ كومەگىمەن مولدوۆا رەسپۋبليكاسىنان قىلمىستىق جاۋاپكەرشىلىككە تارتۋ ءۇشىن قازاقستان ازاماتىن ەكستراديتسيالادى.

كۇدىكتى 2021-2022 -جىلدار ارالىعىندا الماتى قالاسىندا ۇيىمداسقان قىلمىستىق توپتىڭ باسقا مۇشەلەرىمەن بىرگە جۇيەلى تۇردە زاڭسىز ەكونوميكالىق جانە قارجىلىق الاياقتىقتى جۇزەگە اسىرعان.
ونىڭ ءرولى - قالانىڭ بەلگىلى ءبىر بانكتەرىندە شوت اشۋ، بۇركەمە مامىلە بويىنشا العاشقى بۋحگالتەرلىك قۇجاتتا تاۋارلاردى ساتىپ الۋ-ساتۋ، جۇمىستى ورىنداۋ، قىزمەت كورسەتۋ جونىندەگى مامىلەلەردى كورسەتۋ سەكىلدى ارەكەتتەر.
قىلمىستىق توپ سالىق تولەمەگەن. وسىنىڭ سالدارىنان مەملەكەتكە 1,4 ميلليارد تەڭگەگە جۋىق سومادا زالال كەلگەن.
بۇل قىلمىستىق توپقا قاتىسۋشىلاردىڭ ءبىر بولىگى ۇزاق مەرزىمگە سوتتالعان، ال كۇدىكتى قىلمىس جاساعاننان كەيىن جاسىرىنىپ، وعان حالىقارالىق ىزدەۋ جاريالانعان.
مامىر ايىندا ول مولدوۆا رەسپۋبليكاسىنىڭ اۋماعىنان ۇستالدى.
قازاقستان باس پروكۋراتۋراسىنىڭ سۇراۋ سالۋىمەن مولدوۆا تاراپىنان كۇدىكتىنى قازاقستانعا ەكستراديتسيالاۋ جونىندە شەشىم قابىلداندى.
قازىرگى ۋاقىتتا ول الماتى قالاسىنىڭ تەرگەۋ يزولياتورىندا وتىر.
وعان تاعىلعان قىلمىستى جاساعانى ءۇشىن مۇلكى تاركىلەنىپ، ون جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.