مەملەكەت باسشىسى تۇركيا پرەزيدەنتىنە كوڭىل ايتۋ جەدەلحاتىن جولدادى
استانا. KAZINFORM - قاسىم-جومارت توقايەۆ جەدەلحاتتا بولۋ پروۆينتسياسىندا ورنالاسقان كارتالكايا تاۋ شاڭعىسى ورتالىعىندا بولعان ءورت سالدارىنان كوپتەگەن ادامنىڭ قازا تاپقانى تۋرالى سۋىت حاباردى تەرەڭ كۇيزەلىسپەن قابىلداعانىن جەتكىزدى. بۇل تۋرالى اقوردا ءمالىم ەتتى.

سونىمەن قاتار مەملەكەت باسشىسى قازاقستان حالقىنىڭ جانە ءوزىنىڭ اتىنان تۇركيا پرەزيدەنتى رەجەپ تايپ ەردوعان مەن جاقىندارىنان ايىرىلعان وتباسىلارعا، سونداي- اق باۋىرلاس تۇرىك حالقىنا كوڭىل ايتىپ، زارداپ شەككەندەردىڭ تەز ارادا ساۋىعىپ كەتۋىنە تىلەكتەستىك ءبىلدىردى.
ايتا كەتەيىك، تۇركيانىڭ تاۋ شاڭعى كۋرورتىنداعى ورتتەن قازا تاپقاندار سانى 76 عا جەتتى.
ەسكە سالايىق، تۇركيانىڭ بولۋداعى كارتالكايا تاۋ شاڭعىسى كۋرورتىنداعى ورتكە بايلانىستى اۋىر قايعىنى باستان كەشۋدە. ءورت قۇرباندارىنىڭ كوپ بولۋىنا بايلانىستى 22 - قاڭتار ەلدە جالپىۇلتتىق ازا تۇتۋ كۇنى بولىپ جاريالاندى.
بۇگىن ق ر س ءى م تۇركيانىڭ شاڭعى كۋرورتىنداعى ورتتەن قازاقستاندىقتار زارداپ شەكپەگەنى جونىندە اقپارات بەردى.