مەملەكەت باسشىسى قىرعىزستان پرەزيدەنتىن تاۋەلسىزدىك كۇنىمەن قۇتتىقتادى
استانا. KAZINFORM - قاسىم-جومارت توقايەۆ قىرعىزستان پرەزيدەنتىنە قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى قازاقستان حالقىنىڭ جانە ءوز اتىنان پرەزيدەنت سادىر جاپاروۆ پەن ونىڭ وتانداستارىن قىرعىزستاننىڭ تاۋەلسىزدىك كۇنىمەن قۇتتىقتادى.
- ەلىمىز قازاق- قىرعىز سان قىرلى ستراتەگيالىق سەرىكتەستىگى مەن وداقتاستىعىن ودان ءارى تەرەڭدەتۋگە باسا ءمان بەرەدى. بىرلەسكەن كۇش- جىگەر ارقىلى عاسىرلاردان تامىر تارتاتىن دوستىق، تاتۋ كورشىلىك جانە ءوزارا قولداۋ رۋحىنداعى مەملەكەتارالىق بايلانىستاردى نىعايتۋدا ايتارلىقتاي ناتيجەگە قول جەتكىزەتىنىمىزگە سەنىمىم مول، - دەدى قاسىم-جومارت توقايەۆ.
وسىعان دەيىن پرەزيدەنت ش ى ۇ سامميتىنە قاتىسۋ ءۇشىن تيانجين قالاسىنا بارعانىن جازعان ەدىك.
كەيىننەن مەملەكەت باسشىسى ق ح ر ءتوراعاسى شي جينپيڭمەن كەلىسسوز جۇرگىزدى.
