مەدال تالاپ ەتۋ - ادىلەتسىز: بالاندين وليمپياداعا قاتىساتىن جۇزگىشتەر تۋرالى

استانا. قازاقپارات - قازاقستاندىق جۇزگىش دميتري بالاندين قازىرگى ۋاقىتتا وليمپيادا ويىندارىندا وتاندىق سپورتشىلاردان جۇزۋدەن مەدال تالاپ ەتۋ ادىلەتسىز ەكەنىن ايتتى، دەپ حابارلايدى Ulyssport.kz.

الماتى وبلىسىندا قازاقستان ۇلتتىق قۇراماسىن XXXIII جازعى وليمپيادا ويىندارىنا شىعارىپ سالۋ ءراسىمى ءوتتى.

2016 -جىلعى وليمپيادا چەمپيونى دميتري بالاندين الداعى جارىستار مەن قازاقستاندىق جۇزگىشتەردىڭ دايىندىعى تۋرالى پىكىر ءبىلدىردى.

«ەكى ادام ىرىكتەلدى. سوڭعى ساتتە وسى ەكى سپورتشىنىڭ ەلدەگى ەڭ كۇشتى جانە جىلدام ەكەنى بەلگىلى بولدى. ولار وليمپيادا ويىندارىنا قاتىسۋ قۇقىعىن ادال جەڭىپ الدى. جىگىتتەر مەدال الادى دەپ ۇمىتتەنۋدىڭ قاجەتى جوق. قۇرام جاساردى. جىگىتتەر جاس ءارى تاجىريبەسىز. ولاردان مەدال تالاپ ەتۋ - ادىلەتسىز. باستى مىندەت - وزدەرىنىڭ ەڭ جاقسى ناتيجەسىن كورسەتۋ. ەڭ جوعارعى مىندەت - فينالعا شىعۋ. دايىندىق جوسپارلى تۇردە ءوتىپ جاتىر. ادىلبەك مۋسين ەركىن ستيلدە 100 مەتر جانە باتتەرفليايمەن 100 مەتر قاشىقتىقتا ونەر كورسەتەدى. ال كسەنيا يگناتوۆا شالقالاپ جۇزۋدەن 100 مەتر قاشىقتىقتا سىنعا تۇسەدى. ولارعا جانكۇيەر بولىپ، قولداۋعا شاقىرامىن»، - دەدى ول.

دميتري بالاندين - قازاقستاندىق جۇزگىش، 2016 -جىلعى وليمپيادا چەمپيونى (200 مەتر براسس)، 2014 -جىلعى ازيا ويىندارىنىڭ ءۇش دۇركىن چەمپيونى، 2015 -جىلعى ۋنيۆەرسيادا جەڭىمپازى. 50، 100 جانە 200 مەتر براسس قاشىقتىقتارىندا قازاقستان رەكوردشىسى، ەڭبەك سىڭىرگەن سپورت شەبەرى.

بۇعان دەيىن قازاقستان قۇراماسىن پاريجدەگى وليمپيادا ويىندارىنا شىعارىپ سالعانى حابارلانعان بولاتىن.