مەدەۋ-شىمبۇلاققا كىرەتىن جول دەمالىس كۇندەرى اشىلادى

ءبىرىنشى جەلتوقساننان باستاپ مەدەۋ-شىمبۇلاق باعىتىنداعى اپاتتى قالپىنا كەلتىرۋ جۇمىستارىن جۇرگىزۋگە بايلانىستى جابىلعان جولمەن اۆتوكولىكتەر مەن جاياۋ تۋريستەردىڭ كىرۋىنە جەكسەنبى كۇندەرى جول اشىلادى، دەپ حابارلايدى Kazinform.

الماى اكىمدىگىنىڭ مالىمەتىنشە، بۇل كۇندەرى جۇمىس جۇرگىزىلمەيدى، جاياۋ جۇرگىنشىلەر مەن اۆتوكولىك جۇرگىزۋشىلەرىنىڭ ومىرىنە قاۋىپ تونبەيدى.

قالعان كۇندەرى وتكىزۋ رەجيمى بۇرىنعى كەستەگە سايكەس جۇمىس ىستەيدى: 09:00 گە دەيىن جانە 18:00 دەن كەيىن ەلەكتروموبيلدەر مەن تاكسي جۇرگىزۋشىلەرىنە كىرۋگە رۇقسات. 13:00-دەن 14:00 گە دەيىنگى كەزەڭدە تەحنيكالىق قىزمەتتەردىڭ ارنايى كولىگى عانا كىرە الادى.

ال جاياۋ جۇرگىنشىلەرگە جول بويىمەن جۇرۋگە قاتاڭ تىيىم سالىنادى. جاياۋ جۇرگىنشىلەر ستۋدەنتتىك سوقپاق ارقىلى جۇرە الادى.

ەستەرىڭىزگە سالا كەتەيىك، «موحناتكا» جانە «گورەلنيك» تاۋلارىنىڭ باۋرايىندا قۇلاعان تاستىڭ سالدارىن جويۋ بويىنشا جۇمىستار جۇرگىزىلۋدە. 25- قازاننان باستاپ وسى كۇنگە دەيىن ەڭىستى تازارتۋ (تازارتۋ) جۇمىستارى %80 ورىندالدى. سونداي-اق بۇرعىلاۋ قوندىرعىلارىن قولدانا وتىرىپ، ەڭىستى نىعايتۋ جانە نوسەر جۇيەسىنىڭ قۇرىلىسى جۇرگىزىلىپ جاتىر.

كەشەندى جۇمىستار قىس بويى جالعاسادى جانە 2024-جىلدىڭ كۇزىندە اياقتالادى.

بۇعان دەيىن مەدەۋدە الىپ تاستار تاۋدان تومەن قاراي قۇلاعانى تۋرالى جازعان ەدىك.