ماسكەۋدەگى الىپ كوكەنىستەر كورمەسىندەگى ەڭ ۇلكەن اسقاباقتىڭ سالماعى 817 ك گ بولدى

استانا. KAZINFORM - الىپ كوكەنىستەر كورمەسىندە سالماعى 817 كەلى بولاتىن رەكوردتىق اسقاباق ولشەندى، دەپ حابارلايدى ريا نوۆوستي.

ۇلكەن اسقاباقتى ولشەۋ ماسكەۋ مەملەكەتتىك ۋنيۆەرسيتەتىنىڭ «اپتەكاريالىق باق» بوتانيكالىق باعىنىڭ اۋماعىندا ءوتتى. بەس الىپ اسقاباقتىڭ ءبىرى 817 كەلى سالماقپەن بىلتىرعى 771 كەلى رەكوردتى جاڭارتتى. كوكەنىستىڭ سالماعى تۋرالى اقپارات جاڭا جەتىستىكتى رەسمي تىركەۋ ءۇشىن رەسەي رەكوردتار كىتابىنا ۇسىنىلادى.

قالعان الىپ اسقاباقتاردىڭ سالماعى 301، 317، 508 جانە 771 كەلى بولدى.

14-قىركۇيەكتە «اپتەكاريالىق باق» اۋماعىندا كوكەنىستەردىڭ ۇلكەن كورمەسى اشىلادى. وندا رەكورد ورناتقان الىپ اسقاباقپەن قاتار الىپ پياز، قىزىلشا، قيار جانە باسقا دا كوكونىستەر بار.