20:25, 22 - شىلدە 2024 | GMT +6
ماس جىگىت شىمكەنت مەشىتتەرىندە تەلەفون ۇرلاۋمەن اينالىسقان
شىمكەنت. KAZINFORM - مەشىتتە ماس بولىپ ءجۇرىپ گادجەت ۇرلاعان تۇركىستاندىق ۇستالدى.
تۇركىستان وبلىسىنىڭ تۇرعىنى شىمكەنتتەگى مەشىتتەردىڭ بىرىندە ۇيالى تەلەفون ۇرلاۋمەن اينالىسقان.
ول ءبىر كۇندە ەكى ازاماتتى گادجەتسىز قالدىرىپ، ءبىر كىشكەنتاي بالانىڭ ۇيالى تەلەفونىن الداپ الىپ قويعان.
پوليتسيا ونى ماس كۇيىندە كەزەكتى رەت ۇرلىق جاساعان كەزدە ۇستادى.
ءتارتىپ ساقشىلارى تەلەفوندى زاڭدى يەلەرىنە قايتاردى.
ۇستالعان ەر ادامعا قاتىستى تەرگەۋ ءجۇرىپ جاتىر.
پوليتسيا قىزمەتكەرلەرى قالتا ۇرلىعى ادام كوپ جينالاتىن ورىنداردا - بازار، ساۋدا ورتالىقتارى، اۆتوبۋستا ءجيى جاسالاتىنىن ەسكەرتەدى.
