اپكەسىنىڭ ۇلىن ۇزاق جىل بويى ىزدەگەن ايەلدىڭ اسەرلى ءساتى كوپشىلىكتى جىلاتتى

استانا. قازاقپارات - كىشكەنتاي اسحاتتىڭ تاربيەسىمەن اتاسى مەن اجەسى اينالىسقان. اقتاۋدا 16 جىلدان بەرى مارقۇم بولعان اپكەسىنىڭ جالعىز ۇلىن ىزدەگەن ايەل جيەن ىنىسىمەن قاۋىشتى. ول اسكەري بولىمدە بورىشىن وتەپ ءجۇر، دەپ حابارلايدى Skifnews.kz اقپارات پورتالى Lada.kz پورتالىنا سىلتەمە جاساپ.

16 جىلدان كەيىن جيەنىن قايتا كەزدەستىرگەن ايەلدىڭ اسەرلى ءساتى 25744 اسكەري بولىمىندە ءوتتى.

اقتاۋ گارنيزونىنىڭ مالىمەتىنشە، ەلۆيرا 16 جىل بۇرىن قايعىلى تۇردە اپكەسىنەن ايىرىلىپ قالعان. ونىڭ ارتىندا ەكى جاسار ۇلى اسحات قالدى. اكەسى بالانى وزىمەن بىرگە الىپ، قازاقستانعا كوشىپ، وندا جاڭا وتباسى قۇرعان. ال كىشكەنتاي اسحاتتىڭ تاربيەسىمەن اتاسى مەن اجەسى اينالىسقان.

ەلۆيرا وسى ۋاقىت ىشىندە جيەنىمەن قايتا قاۋىشۋعا دەگەن ءۇمىتىن ۇزبەگەن. كوپ جىلدان كەيىن ول 18 جاستاعى جىگىتتىڭ قازىرگى ۋاقىتتا ماڭعىستاۋ وبلىسىندا اسكەردە بورىشىن وتەپ جۇرگەنىن بىلگەن. ايەل دەرەۋ سولدات انالار كوميتەتىنىڭ وكىلى گۇلميرا جانىسبايەۆادان كومەك سۇراعان.

بىرنەشە اي بويى ءبولىم كومانديرى، كومانديردىڭ تاربيە جانە يدەولوگيالىق جۇمىس جونىندەگى ورىنباسارى، پسيحولوگ، سونداي-اق سولدات انالار كوميتەتىنىڭ وكىلدەرى اسحاتتى تۋعان تاتەسىمەن كەزدەسۋگە پسيحولوگيالىق تۇرعىدان دايىندادى. وسى ۋاقىتتا ەلۆيرا جيەنىمەن تەلەفون ارقىلى بايلانىستا بولعان.

ەكى تۋىستىڭ كوپتەن كۇتكەن كەزدەسۋى 25744 اسكەري بولىمىندە ءوتتى.