مامىر مەرەكەلەرىندە كۇن 28 گرادۋسقا دەيىن جىلىنادى

استانا. KAZINFORM - قازگيدرومەت سينوپتيكتەرى 7-9-مامىر ارالىعىنا ارنالعان ءۇش كۇندىك اۋا رايى بولجامىن جاريالادى.

الداعى كۇندەرى وزبەكستاننان كەلەتىن جىلى اۋا ماسسالارى قازاقستاننىڭ بارلىق وڭىرىنە قىسقا مەرزىمدى، ءبىراق كوپتەن كۇتكەن جىلۋ اكەلەدى.

رەسپۋبليكانىڭ سولتۇستىگى مەن شىعىسىنىڭ جەكەلەگەن اۋداندارىندا تۇندە مينۋس تەمپەراتۋرا ساقتالاتىنىنا قاراماستان 9-مامىرعا دەيىن كۇندىزگى ۋاقىتتا تەرمومەتر باعاندارى 20-28 گرادۋس جىلىنى كورسەتەدى.

ءبىراق باتىس ايماقتاردا اۋا رايىنىڭ تۇراقسىز سيپاتى ساقتالادى.

ەڭ الدىمەن وڭتۇستىك تسيكلون ىقپالىمەن جاڭبىر مەن بۇرشاق جاۋىپ، نايزاعاي جارقىلداۋى مۇمكىن.

سيكلوننان كەيىن سولتۇستىك-باتىس انتيتسيكلونى كەلەدى.

وسىلايشا جاۋىن-شاشىن توقتاپ، اۋا تەمپەراتۋراسى ايتارلىقتاي تومەندەيدى.