مامىر ايىنداعى 10 قازاقستاندىق ۇزدىك بوكسشىنىڭ ءتىزىمى جاريالاندى

استانا. KAZINFORM - وتكەن ايداعى ۇزدىك قازاقستاندىق بوكسشىلاردىڭ (سالماق دارەجەسىنە قاراماستان) جاڭارتىلعان رەيتينگى شىقتى، دەپ حابارلايدى قازاقپارات Sports.kz-كە سىلتەمە جاساپ.

Boxrec.com سايتىنىڭ حابارلاۋىنشا، رەيتينگىنىڭ ساۋىردەگى نۇسقاسىمەن سالىستىرعاندا مامىر ايىندا العاشقى وندىقتا ءبىر عانا وزگەرىس بولعان: ەلشات نىعمەتوللا (21-0-2، 8 ك و) ايدىڭ باسىندا ناميبيالىق بوكسشى فيلەمون نگۋتەنانەمەن (12-0-2، 4 ك و) كەزدەسىپ، قوس بىلعارى قولعاپ شەبەرى تەڭ تۇسكەن بولاتىن. وسى جەكپە-جەكتەن كەيىن ول ءبىر ساتى تومەندەپ، 7-ورىنعا تۇراقتادى. ال تاعى ءبىر وتانداسىمىز رۋسلان ماديەۆ (17-2، 6 ك و) ءبىر ساتى جوعارى كوتەرىلدى.

قازاقستاندىقتار اراسىنداعى P4P رەيتينگىنىڭ كوشباسشىسى - بۇرىنعىسىنشا ورتا سالماقتا WBO جانە IBF تۇجىرىمدارى بويىنشا الەم چەمپيونى بەلبەۋلەرىنىڭ يەگەرى جانىبەك ءالىمحان ۇلى (17-0، 12 ك و).

ۇزدىك 10 قازاقستاندىق بوكسشىنىڭ ءتىزىمى تومەندەگىدەي:

جانىبەك ءالىمحان ۇلى (17-0، 12 ك و)،

سۇلتان زاۋربەك (20-0، 13 ك و)،

بەكمان سويلىبايەۆ (20-1، 11 ك و)،

باتىر جۇكەمبايەۆ (24-1، 17 ك و)،

دانيار ەلەۋسىنوۆ (12-0، 7 ك و)،

بەك نۇرماعانبەت (14-0، 12 ك و)،

رۋسلان ماديەۆ (17-2، 6 ك و)،

ەلشات نىعمەتوللا (21-0-2، 8 ك و)،

سادريددين احمەدوۆ (15-0-1، 13 ك و)،

سەرگەي ليپينەتس (18-4-1، 13 ك و).