ماۋلەن اشىمبايەۆ: رەفەرەندۋم -قازاقستاننىڭ دەموكراتيالىق دامۋىنداعى ماڭىزدى قادام
استانا. KAZINFORM - سەنات ءتوراعاسى ماۋلەن اشىمبايەۆ ا ە س سالۋعا قاتىستى رەفەرەندۋمدا ەلورداداعى №164 ۋچاسكەدە داۋىس بەردى.
«بۇگىن وتە ماڭىزدى كۇن، تاريحي كۇن دەپ ايتساق تا ارتىق بولمايتىن شىعار. رەفەرەندۋم - قازاقستاننىڭ دەموكراتيالىق دامۋىنداعى ماڭىزدى قادام. بۇگىن ءبىز پرەزيدەنتتىڭ «حالىق ۇنىنە قۇلاق اساتىن مەملەكەت» تۇجىرىمداماسىنىڭ جۇزەگە اسىرىلىپ جاتقانىن كورىپ وتىرمىز. مەملەكەت باسشىسى قاسىم-جومارت توقايەۆ ەلدىڭ بولاشاعىنا قاتىستى ماسەلەلەردە»، - دەدى ماۋلەن اشىمبايەۆ داۋىس بەرگەن سوڭ ب ا ق وكىلدەرىنىڭ ساۋالىنا جاۋاپ بەرە تۇرىپ.
سەنات سپيكەرىنىڭ ايتۋىنشا رەفەرەندۋم ەلىمىزدە جاڭا ساياسي مادەنيەتتى قالىپتاستىرۋعا ارنالعان ءىس-شارا.
«وسىنداي ماڭىزدى ءىس- شارالاردا حالىقتىڭ پىكىرىن ەستىپ، ەسكەرىپ مەملەكەتتىك ورگاندار شەشىمدەر قابىلدايتىن بولسا، ءبىز بارلىق ماقساتقا جەتەمىز. قازاقستاندى دامىعان دەموكراتيالىق مەملەكەت رەتىندە قالىپتاستىرامىز. سول سەبەپتى بۇگىنگى رەفەرەندۋمدا قازاقستاندىقتاردىڭ داۋسى ماڭىزدى. ءسويتىپ ءبارىمىز قازاقستاندى دەموكراتيالى، ادىلەتتى مەملەكەت رەتىندە قالىپتاستىرۋعا ءوز ۇلەسىمىزدى قوسامىز»، - دەيدى ول.
