ماجارستاننىڭ پرەمەر-ءمينيسترى ديماش تۋرالى پوست جازدى
استانا. KAZINFORM - ماجارستاننىڭ پرەمەر- ءمينيسترى ۆيكتور وربان Instagram پاراقشاسىندا قازاقستان پرەزيدەنتى قاسىم-جومارت توقايەۆ جانە الەمگە ايگىلى ءانشى ديماش قۇدايبەرگەنمەن بىرگە تۇسكەن فوتوسۋرەتىن جاريالادى.
«قازاقستاندىق الەم جۇلدىزى بۋداپەشتتە»، - دەپ جازدى ۆيكتور وربان ينستاگرام پاراقشاسىندا.
اقوردا قاسىم-جومارت توقايەۆ ماجارستان پرەمەر-ءمينيسترىنىڭ سالتاناتتى قابىلداۋىنا قاتىسقانىن حابارلاپ، كەشتەن تۇسىرىلگەن ءتۇرلى فوتو جاريالادى. ولاردىڭ اراسىندا قازاقتىڭ ماقتانىشى ديماش قۇيدايبەرگەن دە بولدى.
ەسكە سالساق، ق ر پرەزيدەنتى ماجارستانعا مەملەكەتتىك ساپارمەن باردى. ساپار اياسىندا قاسىم-جومارت توقايەۆ بۋداپەشتتە ۆيكتور وربانمەن كەلىسسوز جۇرگىزدى. قازاقستان مەن ماجارستان ورتاق باستامالاردى جۇزەگە اسىرۋدى كوزدەيتىن بىرلەسكەن مالىمدەمە قابىلدادى.
قاسىم- جومارت توقايەۆ پەن ۆيكتور وربان ب ا ق وكىلدەرى ءۇشىن بريفينگ وتكىزدى. مەملەكەت باسشىسى حالىقارالىق دزيۋدو فەدەراتسياسىنىڭ (IJF) پرەزيدەنتى ماريۋس ۆيزەرمەن كەزدەستى.
قازاقستان پرەزيدەنتى ماجارستان پرەمەر-ءمينيسترىنىڭ سالتاناتتى قابىلداۋىنا قاتىستى.
