مادەنيەت جانە ۇلتتىق سالت-ءداستۇر كۇنى: الماتىدا 200 جاس دومبىراشى كۇي تارتتى

الماتى. KAZINFORM - ناۋرىزنامانىڭ ونكۇندىگى اياسىندا ن. ساتس اتىنداعى مەملەكەتتىك اكادەميالىق ورىس بالالار مەن جاس وسپىرىمدەر تەاترىندا مادەنيەت جانە ۇلتتىق سالت-ءداستۇر كۇنى اتاپ ءوتىلدى.

ەلىمىزدىڭ مادەنيەتى، ونەرى مەن ۇلتتىق قۇندىلىقتارىنا ارنالعان كەشتە اۋەزوۆ اۋدانىنىڭ «دامۋ بالا» شىعارماشىلىق ۇيىرمەلەرىنىڭ تاربيەلەنۋشىلەرىنەن قۇرالعان 200 جاس دومبىراشى كۇي تارتتى.

ولاردىڭ ىشىندەگى ەڭ كىشىسى - 6 جاستا.

مەرەكەلىك كونسەرت بارىسىندا قۇرمانعازىنىڭ «اداي» جانە «بالبىراۋىن»، ءا. جەلدىبايەۆانىڭ «ەركە سىلقىم»، ن. تىلەنديەۆتىڭ «ءالقيسسا» جانە باسقا دا كۇيلەرى ورىندالدى.