ماڭعىستاۋدا جاپان دالادا اق قاسقىر فوتوتۇزاققا ءتۇسىپ قالدى

Маңғыстаудағы ақ қасқыр
Фото: МО табиғи ресурстар және табиғат пайдалануды реттеу басқармасы

ماڭعىستاۋ وبلىسىندا «ماناشى» مەملەكەتتىك تابيعي قاۋمالىندا جالعىز جورتىپ جۇرگەن اق قاسقىر ارنايى ورناتىلعان فوتوقاقپانعا ءتۇسىپ قالدى، دەپ حابارلايدى Kazinform.

ماڭعىستاۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنشە، ءتۇز تاعىسىنىڭ بۇل تۇقىمى ماڭعىستاۋ وڭىرىندە وتە سيرەك كەزدەسەدى.

«ادام كوزىنە تۇسە بەرمەيتىن اق قاسقىرلار ماڭعىستاۋ ايماعىندا وتە سيرەك كەزدەسەتىن جىرتقىش اڭنىڭ ءبىرى. ول وتە سەزىمتال ءارى كەز كەلگەن تابيعات جاعدايىنا وتە ءتوزىمدى. اق قاسقىر ءوزى مەكەندەيتىن اۋماقتا ەڭ قاۋىپتى جىرتقىش سانالادى. ونىڭ سالماعى ورتا ەسەپپەن 30-80 كەلى ارالىعىندا بولادى»، - دەدى ماڭعىستاۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ وكىلى.

وسىدان ەكى جىل بۇرىن ماڭعىستاۋلىق ۆيدەوگرافتىڭ كامەراسىنا سيرەك كەزدەسەتىن جىرتقىش قىزىل قاسقىر ءتۇسىپ قالعان بولاتىن. سول جولى تەڭىز جاعاسىندا جۇرگەن ۇرعاشى قاسقىر دروندى كورىپ، قاشقان ەدى. كەيىن ماماندار قىزىل قاسقىردىڭ قاسقىر تۇقىمداسىنا جاتاتىن جىرتقىش سۇتقورەكتى ەكەنىن اتاپ، ماڭعىستاۋعا قالاي كەلگەنى بەلگىسىز ەكەنىن مالىمدەدى.

سوڭعى جاڭالىقتار