ەلىمىزدىڭ قاي وڭىرىندە ەرلەر كوپ - رەسمي ستاتيستيكا جاريالاندى

مەرەكە قارساڭىندا ەرلەردىڭ جاس قۇرىلىمى مەن وڭىرلەر بويىنشا تارالۋى بەلگىلى بولدى. ەڭبەككە قابىلەتتى جاستاعى (16-60 جاس) ەرلەر جالپى ۇلەستىڭ 56,5 پايىزىن قۇرايدى. بالالار (0-15 جاس) - 30,2 پايىز، ال 61 جاستان جوعارى ازاماتتار - 13,3 پايىز.

وڭىرلەر بويىنشا ەرلەر ەڭ كوپ شوعىرلانعان ايماقتار قاتارىندا الماتى قالاسى مەن تۇركىستان وبلىسى كوش باستاپ تۇر - ءارقايسىندا شامامەن 1,1 ميلليون ەر ادام بار. ودان كەيىن الماتى وبلىسى (806,5 مىڭ) جانە استانا قالاسى (785,4 مىڭ) ورنالاسقان.

ەر ازاماتتاردىڭ ورتاشا جاسى - 31,1 جاس، ال كۇتىلەتىن ءومىر ءسۇرۋ ۇزاقتىعى - 72,19 -جىل.

ەڭبەك نارىعىنداعى ۇلەسى

2025-جىلعى دەرەكتەرگە سايكەس، جۇمىسپەن قامتىلعان حالىق اراسىنداعى ەرلەردىڭ ۇلەسى 51,6 پايىزدى نەمەسە 4,8 ميلليون ادامدى قۇرايدى.

جالدامالى جۇمىسشىلار اراسىندا - 50,6 پايىز

ءوز بەتىنشە جۇمىسپەن قامتىلعاندار اراسىندا - 55,1 پايىز

جەكە كاسىپكەرلەر اراسىندا - 54,7 پايىز

سالالار بويىنشا ەرلەر كوبىنە ونەركاسىپتە (16,5 پايىز)، كوتەرمە جانە بولشەك ساۋدادا (14 پايىز)، اۋىل شارۋاشىلىعىندا (12,4 پايىز)، سونداي-اق كولىك جانە قويما سالاسىندا (11,1 پايىز) جۇمىس ىستەيدى.

ەڭ بەلسەندى ەڭبەك جاس توبى - 35-44 جاس ارالىعىنداعى ەرلەر، بۇل ساناتتا 1,4 ميلليون ادام بار.

تانىمال ەسىمدەر

ايتا كەتەيىك، 2026-جىلدىڭ العاشقى بەس ايىندا قازاقستاندا ەر بالالارعا ەڭ كوپ قويىلعان ەسىم - الان (817 جاعداي). ودان كەيىن ايسۇلتان، ءاليحان، مۇحاممەد جانە رامازان ەسىمدەرى جيى تىركەلگەن.

وسىعان دەيىن قازاقتار حالىق سانىن قالاي ەسەپتەگەنىن جازدىق.