ەلىمىزدەگى مەكتەپتەر مەن كوللەدجدەردە قۇقىقتىق مادەنيەت ساباعى باستالدى

جوبانى اۋقىمدى تۇردە ەنگىزۋ تۋرالى شەشىم الماتى وبلىسىنىڭ تالعار اۋدانىندا جۇرگىزىلگەن پيلوتتىق كەزەڭنىڭ قورىتىندىسى نەگىزىندە قابىلداندى. وندا وقۋشىلار اراسىندا بۋللينگ پەن قۇقىق بۇزۋشىلىقتاردىڭ تومەندەگەنى تىركەلدى.

جوبا ەڭ كەڭ قامتىلعان وڭىرلەر قاتارىندا شىمكەنت قالاسى - 100 گە جۋىق بەرۋ ۇيىمى، قاراعاندى وبلىسى - 190 نان استام، پاۆلودار وبلىسى - شامامەن 110 ۇيىمدى قامتيدى. وقۋشىلارمەن جۇمىسقا قۇقىق قورعاۋ ورگاندارىندا قىزمەت ەتكەن تاجىريبەسى بار 600 دەن استام تالىمگەر تارتىلعان. ساباقتار ەكى اپتادا كەمىندە ءبىر رەت وتكىزىلەدى.

پيلوتتىق كەزەڭ تالعار اۋدانىنداعى 10 مەكتەپ پەن 3 كوللەدجدە وتكىزىلىپ، 9 مىڭنان استام وقۋشىنى قامتىدى. مونيتورينگ ناتيجەلەرى بويىنشا بۋللينگ پەن كيبەربۋللينگ جاعدايلارى %18 عا تومەندەگەنى، مىنەز- قۇلىق تاۋەكەلى تومەن وقۋشىلار ۇلەسىنىڭ %31,9 عا ارتقانى، سونداي- اق باسا نازار اۋدارۋدى قاجەت ەتەتىن جاسوسپىرىمدەر سانىنىڭ %30 عا ازايعانى انىقتالدى.

جوبا وقۋشىلاردىڭ قۇقىقتىق مادەنيەتىن قالىپتاستىرۋعا جانە قۇقىق بۇزۋشىلىقتاردىڭ الدىن الۋعا باعىتتالعان.

وقۋ-اعارتۋ مينيسترلىگى مالىمەتىنشە، «قازاقستان بالالارى» تۇجىرىمداماسى اياسىندا «زاڭ جانە ءتارتىپ» جوباسى رەسپۋبليكا بويىنشا كەزەڭ- كەزەڭىمەن ەنگىزىلەتىن بولادى. بۇل قۇقىق بۇزۋشىلىقتاردىڭ الدىن الۋ مەن بالالارعا قاتىستى زورلىق-زومبىلىقتىڭ الدىن الۋدىڭ ءبىرىڭعاي تاسىلدەرىن قالىپتاستىرۋعا مۇمكىندىك بەرەدى.

جوبا ءبىلىم الۋشىلاردىڭ زاڭعا باعىنۋ مادەنيەتىن جانە جاۋاپكەرشىلىك داعدىلارىن دامىتۋعا ىقپال ەتەدى.