ەلىمىزدىڭ ايماقتارىندا ارەكەت ەتىپ جۇرگەن قىلمىستىق توپتاردىڭ 50 مۇشەسى ۇستالدى – ۇ ق ك
استانا. KAZINFORM - ۇلتتىق قاۋىپسىزدىك كوميتەتى مەملەكەت باسشىسىنىڭ قىلمىس پەن دەسترۋكتيۆتى ارەكەتكە قارسى كۇرەستە قاتاڭ شارالار قابىلداۋ جونىندەگى تاپسىرماسىن ورىنداۋ بويىنشا جۇمىستى جالعاستىرۋدا، دەپ حابارلايدى ۆەدومستۆونىڭ باسپا ءسوز قىزمەتى.
باسپاءسوز قىزمەتىنىڭ مالىمەتتەرىنە قاراعاندا، 2024 -جىلعى 18-قىركۇيەكتە ۇ ق ك، ءى ءى م جانە بپ ۆەدومستۆوارالىق جەدەل- تەرگەۋ توبى استانا، الماتى جانە شىمكەنت قالالارىندا، سونداي- اق اقتوبە، اتىراۋ، الماتى، جەتىسۋ، باتىس قازاقستان جانە پاۆلودار وبلىستارىندا تۇراقتى ۇيىمداسقان قىلمىستىق توپتىڭ مۇشەلەرىن ۇستاۋعا ارنالعان وپەراتسيا جۇرگىزدى.
بارلىعى 50 ادام ۇستالىپ، ىشكى ىستەر ورگاندارىنا جەتكىزىلدى. ولارعا قاتىستى تەرگەۋ امالدارى جۇرگىزىلۋدە.
ولارعا تاۋارلار مەن اۆتوكولىكتەردى اسا ءىرى كولەمدە ۇرلاۋ ارناسىن ۇيىمداستىردى، سونداي-اق ۇيىمداسقان قىلمىستى قارجىلاندىردى دەگەن كۇدىك كەلتىرىلىپ وتىر.
20 دان استام ادامنىڭ سەنىمىنە كىرىپ، 2 ميلليارد تەڭگەدەن اسا مۇلىك توناعان.
توپتىڭ ناقتى يەرارحياسى مەن قاتىسۋشىلارىنىڭ رولدەرى بولىنگەن، ولار قىلمىس پەن دەسترۋكتيۆتى ءدىني ورتانىڭ وكىلدەرىنەن، سونىڭ ىشىندە تۇزەۋ مەكەمەسىندە جازاسىن وتەۋشىلەردەن قۇرالعان.
تىنتۋلەر بارىسىندا بانك كارتالارى، ءىرى اقشا قاراجاتى، ەكسترەميستىك ادەبيەتتەر، اقشا اۋدارىمدارى جازىلعان جازبالار جانە تەرگەۋ ءۇشىن قىزىعۋشىلىق تۋدىراتىن وزگە دە زاتتار تابىلدى.
قىلمىستىق-پروتسەستىك كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى.
