ەلىمىزدە زاڭسىز قۇرىلىس قاشان توقتايدى

 بۇگىن ەلوردادا زاڭسىز قۇرىلىسقا جول بەرۋ جانە ونىمەن كۇرەسۋ ماسەلەسى كوتەرىلدى، دەپ حابارلايدى Kazinform.

«بۇل جەردە ماسەلە باقىلاۋ فۋنكتسياسىنا قاتىستى. بيىل قالا قۇرىلىسى ساراپتاماسىنىڭ تەتىگى ەنگىزىلدى. بىزدە مەملەكەتتىك ساراپتاما قالالىق جوسپارلاۋدىڭ قۇجاتتارعا سايكەستىگى تۋرالى قورىتىندى بەرەدى. دەمەك، اكىمدىك قۇرىلىس سالۋعا جەردى بەرۋ پروتسەسىن باقىلايدى جانە قۇرىلىس باس جوسپارعا سايكەستىگى قاتاڭ باقىلاۋدا بولادى. قۇرىلىس سالاسىندا ماسەلە بار ەكەنىن تۇسىنەمىن. ۋچاسكەلەردى ءبولۋ كەزىندە بەلگىلى ءبىر اسىرا پايدالانۋ بار. قازىر بىزدە ءبىر باقىلاۋ مەحانيزمى بار، ەندى جوسپارلاۋدىڭ اياسىنان تىس جۇمىس ىستەۋ كەرەك بولادى»، - دەدى ونەركاسىپ جانە قۇرىلىس ءمينيسترى قانات شارلاپايەۆ ۆەدومستۆودا وتكەن باسپا ءسوز ءماسليحاتىندا.

ءمينيستردىڭ ايتۋىنشا، جاڭا باقىلاۋ مەحانيزمى جاقىندا عانا ەنگىزىلدى. ولار مەملەكەتتىك ساراپتاما مەكەمەسىندە كەلىسىمنەن وتەدى.

«ەگەر قۇرىلىس نىسانى قالانىڭ باس جوسپارىنا سايكەس كەلمەسە، ءبىز وندا كەلىسىم بەرمەيمىز. بۇل جەردە مەملەكەتتىك ساراپتاما شەڭبەرىندە مينيسترلىك پەن اكىمدىكتەر اراسىندا ءوزارا ءىس- قيمىلدى جولعا قويۋ كەرەك. ءبىز ماسەلەنىڭ بارىن مويىندايمىز جانە شەكتەۋلەر قويۋعا تىرىسامىز. ناتيجەسى شىقپاسا قايتا قارايمىز»، - دەيدى ول.