ەلىمىزدە كوروناۆيرۋستى انىقتايتىن تەستىلەر قانشالىقتى ءتيىمدى

استانا. KAZINFORM - ەلىمىزدە ك ۆ ي-دى انىقتايتىن تەستىلەر جاڭارتىلا ما؟ بۇل تەستىلەر مۋتاتسيالانعان ءتۇرىن انىقتاۋعا قاۋقارلى ما؟ بۇل سۇراققا ق ر دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتى جاۋاپ بەردى.

«زەرتحانانىڭ بيولوگيالىق ماتەريالىندا SARS-CoV-2 كوروناۆيرۋس انگتيگەنىن ساپالى انىقتاۋ ءۇشىن كەيىنگى جىلدارى نەگىزىنەن رەسەي مەن قازاقستاندا وندىرىلەتىن تەست-جۇيەلەر قولدانىلادى. بۇل تەست-جۇيەلەرى SARS-CoV-2 ۆيرۋس انتيگەنىن انىقتاۋ ءۇشىن ارنايى جاسالعان، سونىمەن قاتار ينفەكتسيانى ءتيىمدى دياگنوستيكالاۋعا مۇمكىندىك بەرەدى»، - دەلىنگەن ۆەدومستۆونىڭ Kazinform اگەنتتىگىنە بەرگەن جاۋابىندا.

كوميتەت اقپاراتىنا قاراعاندا، ەلىمىزدە 2024 -جىلدىڭ 7 ايىندا 1290 ك ۆ ي جاعدايى انىقتالىدى جانە ءولىم-ءجىتىم تىركەلگەن جوق. تاياۋدا سانيتارلىق-ەپيدەميولوگيالىق باقىلاۋ كوميتەتى ك ۆ ي-گە قاتىستى ەل اراسىندا تاراعان الىپ-قاشپا ءسوزدى جوققا شىعاردى.

تامىز ايىنىڭ ورتا كەزىندە مينيسترلىك ك ۆ ي بويىنشا جاعداي باقىلاۋدا تۇرعانىن جانە مونيتورينگ ءجۇرىپ جاتقانىن جاريالادى.

مينيسترلىك مالىمەتىنشە، ك ۆ ي-دىڭ قازىرگى شتامى اسا قاۋىپ توندىرمەيدى.