ەلىمىزدە گاز باعاسى وسە مە - مينيستر جاۋابى

استانا. KAZINFORM - ەلىمىزدە گاز باعاسىن كەزەڭ-كەزەڭىنەن كوتەرۋ جوسپارلانىپ وتىر. بۇل تۋرالى ەنەرگەتيكا ءمينيسترى الماسادام ساتقالييەۆ ءمالىم ەتتى.

ەنەرگەتيكا ءمينيسترىنىڭ مالىمدەۋىنشە، بۇگىندە قازاقستاندا تاۋارلىق گازدىڭ 1 مىڭ تەكشە مەترى 33169 تەڭگە تۇرادى، ال بەكىتىلگەن كوتەرمە باعاسى 23646 تەڭگە.

«گاز سالاسىنا ينۆەستيتسيالار تارتۋ جانە تاۋارلىق گازدىڭ وزىندىك قۇنىنا قول جەتكىزۋ ماقساتىندا حالىق ءۇشىن باعانىڭ كۇرت وسۋىنە جول بەرمەۋدى ەسكەرە وتىرىپ، گاز باعاسىنىڭ كەزەڭ-كەزەڭىمەن كوتەرۋ تالاپ ەتىلەدى»، - دەدى الماسادام ساتقاليەۆ ۇكىمەت وتىرىسىندا.

سونداي-اق، ۆەدومستۆو باسشىسى 1-شىلدەدەن باستاپ ىشكى نارىقتا تاۋارلىق گازدى كوتەرمە ساۋدادا وتكىزۋدىڭ شەكتى باعاسى قايتا قارالىپ، ورتا ەسەپپەن %14,6 عا ۇلعايعانىن ايتتى.

«جالپى، 3 جىلدىڭ ىشىندە ىشكى نارىقتا گازدى ساتۋدىڭ شىعىنسىز بولۋىنا قول جەتكىزۋ جوسپارلانىپ وتىر. بۇل ەلدىڭ گازعا قاجەتتىلىگىن جابۋعا جانە ەلىمىز ءۇشىن ماڭىزدى ينۆەستيتسيالىق جوبالاردى ىسكە اسىرۋعا مۇمكىندىك بەرەدى»، - دەيدى ا. ساتقاليەۆ.

ايتا كەتسەك، ۇكىمەت باسشىسى ولجاس بەكتەنوۆ ەلىمىزدە گازبەن قامتۋعا قاتىستى ارىز-شاعىمنىڭ كوپتىگىن ايتقان ەدى.