ليۆاندا يزرايل اۋە شابۋىلىنان 60 ادام كوز جۇمدى
استانا. قازاقپارات - دەنساۋلىق ساقتاۋ مينيسترلىگىنىڭ دەرەگىنشە، يزرايلدىڭ ليۆاننىڭ شىعىسىنداعى بەكاا القابىنا جاساعان اۋە شابۋىلى سالدارىنان 60 ادام، ونىڭ ىشىندە ەكى بالا قازا تاۋىپ، 58 ادام جارالاندى.
ۆەدومستۆونىڭ حابارلاۋىنشا، اۋەدەن كەلگەن ءدۇمپۋ القاپتاعى 12 ەلدى مەكەنگە اسەر ەتكەن، اسىرەسە باالبەك ايماعى قاتتى زارداپ شەككەن. قۇتقارۋ جۇمىستارى جالعاسىپ جاتىر، قۇربان بولعاندار سانى ارتىپ كەلەدى.
باالبەك-حەرمەل پروۆينتسياسىنىڭ گۋبەرناتورى بەچير حودر اۋە شابۋىلدارىن ليۆان مەن يزرايل اراسىنداعى قاقتىعىس باستالعاننان بەرى ايماققا جاسالعان «ەڭ قاتىگەز» شابۋىل دەپ اتادى.
23-قىركۇيەكتەن باستاپ يزرايل ليۆانداعى اۋە شابۋىلدارىن، نەگىزىنەن «حەزبوللاعا» قارسى كۇشەيتتى جانە جاقىندا ەلدىڭ سولتۇستىك شەكاراسىندا قۇرلىق وپەراتسياسىن باستادى.
ەسكە سالا كەتەيىك، بۇعان دەيىن بۇۇ باسشىسى گازا سەكتورىنىڭ سولتۇستىگىندەگى بەيبىت تۇرعىنداردىڭ جاعدايى اۋىر ەكەنىن حابارلاعانىن جازعان بولاتىنبىز.
