ۇلى بريتانيا جاساندى ينتەللەكت سالاسىندا سۋپەردەرجاۆا مارتەبەسىن الۋدى ماقسات ەتىپ وتىر
استانا. KAZINFORM - ۇلى بريتانيا پرەمەر- ءمينيسترى جاساندى ينتەللەكتىنى دامىتۋدىڭ جاڭا ستراتەگياسىن ۇسىندى.

كير ستارمەر ۇلى بريتانيانى جاساندى ينتەللەكت (ج ي) بويىنشا الەمدىك كوشباسشىعا اينالدىرۋدى ماقسات ەتىپ وتىر.
ول دۇيسەنبىدە ۇسىنعان جاڭا ستراتەگيا ون جىل ىشىندە 47 ميلليارد فۋنت ستەرلينگ (57,5 ميلليارد دوللار) ەكونوميكالىق پايدا اكەلۋگە جانە ون جىل ىشىندە 13 مىڭنان استام جۇمىس ورنىن قۇرۋعا باعىتتالعان، دەپ حابارلادى GB News.
جوسپار قۇرىلىسقا رۇقسات الۋ پروتسەسىن وڭتايلاندىراتىن جانە جاڭا تەحنولوگيالاردى ەنگىزۋ ءۇشىن قاجەتتى ەنەرگەتيكالىق ينفراقۇرىلىمنىڭ دامۋىن قامتاماسىز ەتەتىن مامانداندىرىلعان جي ءوسۋ ايماقتارىن قۇرۋدى قامتيدى.
ءۇش تەحنولوگيالىق كومپانيا - Vantage Data Centres, Nscale جانە Kyndryl ج ي ينفراقۇرىلىمىن قۇرۋعا 14 ميلليارد فۋنت ستەرلينگ (17ميلليارد دوللار) ينۆەستيتسيا قۇيۋ نيەتى تۋرالى جاريالادى. ۇكىمەتتىڭ باعالاۋىنشا، بۇل 13 مىڭنان استام جۇمىس ورنىن اشۋعا اكەلەدى.
كير ستارمەردىڭ اتاپ وتۋىنشە، ج ي- ءدىڭ ەكونوميكالىق ونىمدىلىكتى ايتارلىقتاي جاقسارتۋعا الەۋەتى بار. حالىقارالىق ۆاليۋتا قورىنىڭ بولجامى مۇنى راستاي وتىرىپ، الەۋەتتى جىلدىق ءوسىم 1,5 پايىزدىق تارماققا جەتكەنىن كورسەتتى.
تەحنولوگيالاردى قولدانۋدىڭ پراكتيكالىق مىسالدارىنىڭ اراسىندا پرەمەر- مينيستر ج ي دياگنوستيكانى جاقسارتۋعا كومەكتەسەتىن دەنساۋلىق ساقتاۋ سالاسىن، مۇعالىمدەرگە اكىمشىلىك جۇكتەمەنى ازايتاتىن ءبىلىم بەرۋدى، سونداي- اق ينفراقۇرىلىم، ا قىزمەت ەتۋ تيىمدىلىگىن ارتتىراتىن جولدارداعى زاقىمدانۋدى انىقتاۋ ءۇشىن جاساندى ينتەللەكتپەن كامەرالاردى قولدانۋعا بولاتىن كولىك سالاسىن اتاپ ءوتتى.
ستراتەگيا سونداي-اق اكىمشىلىك كەدەرگىلەردى ازايتۋ، مەملەكەتتىك قىزمەتتەردى كورسەتۋدى جەدەلدەتۋ ءۇشىن تەحنولوگيالاردى ەنگىزۋ جانە جي دامىتۋعا قاجەتتى نەگىزگى ينفراقۇرىلىمدى جاڭعىرتۋ شارالارىن قامتيدى. ءتاسىل ا ق ش پەن ە و تاجىريبەسىن ەسكەرە وتىرىپ، يكەمدىلىك پەن ديناميكاعا نەگىزدەلگەن.
ستارمەردىڭ پىكىرىنشە، بۇل باعدارلامانى جۇزەگە اسىرۋ ۇلى بريتانيانىڭ ەكونوميكالىق ترانسفورماتسياسىن جەدەلدەتىپ، ج ي سالاسىنداعى پوزيتسياسىن نىعايتىپ، بيزنەسكە قولايلى جاعداي جاسايدى.
پرەمەر- ءمينيستردىڭ سەندىرۋىنشە، بۇل باستاما جاڭا جۇمىس ورىندارىنىڭ اشىلۋىنا، حالىقتىڭ تابىسىنىڭ ارتۋىنا جانە مەملەكەتتىك قىزمەتتەر تيىمدىلىگىنىڭ ارتۋىنا اكەلەدى.
بۇعان دەيىن ۇلى بريتانيالىق ەنەرگەتيك العاشقى بولىپ Neo Nomad ۆيزاسىن العانىن جازعانبىز.