ۇلى بريتانيا س ءى م باسشىسى دەۆيد كەمەرون پرانكەرلەردىڭ قۇربانى بولدى
استانا. KAZINFORM – ۇلى بريتانيانىڭ سىرتقى ىستەر مينيسترلىگى ۆەدومستۆو باسشىسى دەۆيد كەمەرون ۋكراينانىڭ بۇرىنعى پرەزيدەنتى پەتر پوروشەنكونىڭ كەيپىنە ەنگەن پرانكەرلەردىڭ قۇربانى بولعانىن حابارلادى.

BBC تاراتقان مالىمەتتەرگە سۇيەنسەك، قوس تاراپتىڭ سۇحباتتاسۋى بەينەبايلانىس ارقىلى وتكەن. ءبىراق ۇزاققا سوزىلمادى. پرانكەرلەر ماتىندىك حابارلامالار ارقىلى قوڭىراۋ شالۋدى ۇسىنعان.
كەمەرون ۆيدەودا پوروشەنكوعا ۇقسايتىن ادام بولعانىن ايتادى. كەيىن ول الاياقتارمەن بايلانىسقا شىققانىن تۇسىنگەن. سەبەبى، قوڭىراۋ شالۋشى ودان باسقا ادامداردىڭ بايلانىس مالىمەتتەرىن سۇراعان.
بۇل وقيعانىڭ ورىن العانىنا كوپ ۋاقىت بولا قويعان جوق. كەمەرونعا كىم قوڭىراۋ شالا الاتىنىن، ولار نە تۋرالى سويلەسكەنىن جانە الاياقتار مينيسترلىك وكىلدەرىمەن قالاي بايلانىس ورناتا العانى ازىرگە بەلگىسىز.
بريتاندىق سىرتقى ساياسات دەپارتامەنتى بۇل وقيعا تۋرالى كوپشىلىك الدىندا ايتۋعا شەشىم قابىلداعان. سەبەبى تۇسىنىكتى. سىرتقى ىستەر ءمينيسترىنىڭ بەينەسى مەن داۋىسى باسقا ماقساتتا پايدالانىلۋى مۇمكىن. سونداي- اق، تۇرعىندارعا ساقتىق شاراسى رەتىندە دە ەسكەرتۋ ءجون دەپ تاپقان.
«سىرتقى ىستەر ءمينيسترى ءوز قاتەلىگىنە وكىنەدى. ءبىز جالعان اقپاراتقا قارسى كۇرەستى كۇشەيتۋىمىز كەرەك»، - دەلىنگەن حابارلامادا.