ەلوردانىڭ كوممۋنالدىق قىزمەتتەرى كۇشەيتىلگەن رەجيمگە كوشتى

استانا. قازاقپارات – 21-قاراشا كۇنى تاڭەرتەڭ قالا كوشەلەرىن قاردان تازارتۋعا 2,6 مىڭنان استام جول جۇمىسشىسى جانە 1,3 مىڭنان استام ارنايى تەحنيكا شىعارىلدى، دەپ حابارلايدى ەلوردا اكىمدىگىنىڭ رەسمي سايتى.

قاتتى جاۋىن-شاشىن كەزىندە ەلوردانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەيدى. ءبىرىنشى كەزەكتە قوعامدىق كولىكتىڭ كەدەرگىسىز ءوتۋىن قامتاماسىز ەتۋ ءۇشىن نەگىزگى ماگيسترالدار تازارتىلادى. ءارى قاراي ورتاشا قوزعالىس قارقىندىلىعى بار ۋچاسكەلەر - الاڭدار، ۆوكزال ماڭىنداعى اۋماقتار، تروتۋارلار قاردان تازارتىلادى.

20 سىنان 21-قاراشاعا قاراعان ءتۇنى پوليگوندارعا 1041 رەيسپەن 14 مىڭ تەكشە مەتر قار شىعارىلدى.

قىس مەزگىلىنىڭ باسىنان بەرى قالادان بارلىعى 538 مىڭ تەكشە مەتر قار شىعارىلدى، بۇل 42423 اۋىر جۇك كولەمىنە تەڭ.

ەلوردادا بىرنەشە جابدىقتالعان قار پوليگونى جۇمىس ىستەيدى. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان، مۇندا بەينەباقىلاۋ كامەرالارى ورناتىلعان، جارىقتاندىرۋ قوسىلعان.

ەلوردا تۇرعىندارى مەن قوناقتارىنان جولداردا اباي بولۋدى، قاۋىپسىزدىك ەرەجەلەرىن ساقتاۋدى، داۋىلدى ەسكەرتۋ بولعان جاعدايدا الىس ساپارلاردان باس تارتۋدى سۇرايدى.

توتەنشە جاعداي تۋىنداعان كەزدە «112» تەلەفونىنا حابارلاسىڭىز.