ەلوردادا كۇن رايىنىڭ قولايسىزدىعىنان ۇشاقتار كەشىگىپ جاتىر
استانا. KAZINFORM - ەلوردادا ۇشۋ- قونۋ جولاعى اۋا رايىنىڭ قولايسىزدىعىنا بايلانىستى ۋاقىتشا جابىلدى.

- بۇگىن ساعات 8:33 تەن 10:33 كە دەيىن استانا اۋەجايىنىڭ ۇشۋ- قونۋ جولاعى قولايسىز اۋا رايى جانە تەحنيكالىق قىزمەت كورسەتۋگە بايلانىستى ۋاقىتشا جابىلدى. ۇشۋ- قونۋ جولاعىن قاردان تازالاپ، قاۋىپسىزدىكتى قامتاماسىز ەتۋ ءۇشىن اۋەجاي اۋماعىندا 10 ارنايى تەحنيكا جۇمىس ىستەپ جاتىر، - دەلىنگەن حابارلامادا.
اقپاراتتا ايتىلعانداي، قازىر ۇشاتىن 70 رەيستىڭ 6 ى كەشىكتىرىلىپ، قوناتىن 68 رەيستىڭ 14 ى دە كەشىكتىرىلدى. ونىڭ سەبەبى اۋا رايىنىڭ قولايسىزدىعى مەن اەرودرومعا تەحنيكالىق قىزمەت كورسەتۋگە بايلانىستى.
- جولاۋشىلار رەيستەردىڭ جاي- كۇيى مەن كەستەدەگى وزگەرىستەر تۋرالى اقپاراتتى اۋەجايدىڭ رەسمي سايتى (www.nn-airport.kz) ارقىلى نەمەسە تاۋلىك بويى جۇمىس ىستەيتىن بايلانىس ورتالىعىنان: 87172702999 بىلە الادى، - دەپ حابارلايدى ەلوردا اۋەجايى.
قازگيدرومەتتىڭ ەسكەرتۋىنشە، بۇگىن قازاقستاننىڭ بارلىق ايماعىندا جەل كۇشەيىپ، تۇمان تۇسەدى، كوكتايعاق بولادى.