ەلوردادا بانكومات وپەراتسياسىن شالا ورىنداعان ايەل قالعان اقشاسىنان ايىرىلدى
استانا قالاسى ەسىل اۋداندىق پب كريمينالدىق پوليتسيا قىزمەتكەرلەرى وزگەنىڭ شوتىنان اقشا ۇرلادى دەگەن كۇدىكپەن 38 جاستاعى ەلوردا تۇرعىنىن انىقتادى.
بۇل تۋرالى استانا قالالىق پوليتسياسىنىڭ رەسمي Instagram-پاراقشاسىندا حابارلاندى.
تەرگەۋ بارىسىندا ەر ادامنىڭ كۇندىز ەسىلدىڭ سول جاعالاۋىنداعى بانكتەردىڭ بىرىنە كەلگەنى بەلگىلى بولعان. ول بانك كليەنتىنىڭ بانكومات ارقىلى قولما-قول اقشانى شەشىپ الىپ، وپەراتسيانى سوڭىنا دەيىن اياقتاماي كەتىپ قالعانىن بايقايدى. قىلمىستىق ويمەن كۇدىكتى جابىرلەنۋشىنىڭ بانك مەنەدجەرىمەن سويلەسىپ تۇرعانىن پايدالانىپ، ونىڭ شوتىنان 50 مىڭ تەڭگەنى ۇرلاپ الىپ، كەڭسەدەن شىعىپ كەتكەن.
بۇل دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ەر ادام قىلمىسىن مويىنداعان. ەندى ونىڭ ەلوردا اۋماعىندا جاسالعان باسقا دا وسىعان ۇقساس قىلمىستارعا قاتىسىنىڭ بار-جوعى تەكسەرىلىپ جاتىر.
استانا قالاسىنىڭ پوليتسيا دەپارتامەنتى ازاماتتارعا ساق بولۋدى ەسكەرتەدى. بانكوماتتار ارقىلى قولما-قول اقشانى الۋ كەزىندە مۇقيات بولىڭىز. كەز كەلگەن وپەراتسيانى سوڭىنا دەيىن ورىنداپ، «باستى بەتكە» ءوتۋدى ۇمىتپاڭىزدار. سونداي-اق ازاماتتارعا ەسكەرتەمىز، ەگەر سىزگە قاتىستى قۇقىققا قايشى ارەكەتتەر جاسالسا، دەرەۋ پوليتسياعا «102» ارناسى نەمەسە موبيلدى قوسىمشا ارقىلى حابارلاڭىز، - دەلىنگەن پوليتسيا حابارىندا.
Посмотреть эту публикацию в Instagram
